Bakı/18.10.17/Turan: Gənc fəal Qiyas İbrahimov və atası Həsən İbrahimova qarşı açılmış cinayət işinə Yasamal Rayon Məhkəməsi baxacaq. Bu haqda Turan-a vəkil Elçin Sadıqov bildirib.
Onun sözlərinə görə, "heykəl məhbusu" kimi tanınan Qiyas İbrahimov və atası Həsən İbrahimov CM-in 289.2 maddəsi ilə ittiham olunurlar.
Məhkəməyə hörmətsizlikdə suçlanan ata və məhbus oğulun işi hakim Hüseyn Səfərovun icraatına verilib.
İş üzrə ilk məhkəmə iclası oktyabrın 31-də, saat 11:30-da keçiriləcək.
Xatırladaq ki, gənc fəallar Qiyas İbrahimov və Bayram Məmmədov 2016-cı il mayın 10-da saxlanılıblar. Onlar qanunsuz narkotik maddə dövriyyəsində ittiham olunaraq 10 il azadlıqdan məhrum ediliblər. Ancaq gənclər məhkəmədə deyiblər ki, narkotik maddə ittihamını qəbul etmirlər. Onlar keçmiş prezident Heydər Əliyevin abidəsi üzərinə "Qul bayramınız mübarək!" şüarının yazılmasına görə həbs ediliblər.
Bu il iyulun 13-də Qiyas İbrahimovun atası Həsən İbrahimov İstintaq İdarəsinə çağırılıb və ona qarşı cinayət işinin açıldığı bildirilib. Cinayət işi Bakı Apellyasiya Məhkəməsində Qiyas İbrahimovun işinə baxmış hakim Vüqar Məmmədovun şikayəti əsasında başlanıb. Məhkəmədə hakim Qiyas İbrahimovun sözünü kəsəndə atası əsəbiləşərək "Ənvər Seyidovun başına gələnlər sizin də başınıza gəlsin. Balalarınızdan görəsiniz" deyib. Bu, hakimə hörmətsizlik kimi qəbul edilir. İttiham təsdiq olunarsa onu 6 aya kimi həbs gözləyir.-05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz