Bakı/18.10.17/Turan: Dini Qurumlarla İş üzrə Dövlət Komitəsi (DQİDK), Dövlət Təhlükəsizlik Xidməti (DTX) dini qurumların fəaliyyət qaydasının pozulması halını aşkar ediblər. Xəbəri DQİDK yayıb.
Xəbərə görə, hər iki qurum daxil olan məlumat əsasında "Binəqədi rayonu dini icması" (Binəqədi rayonu, 8-ci mikrorayon, İbrahim Dadaşov küçəsi) və "İrfan dini icması"na (Binəqədi rayonu, 8-ci mikrorayon, Azadlıq prospekti, ev 15) baxış keçiriblər.
Baxış zamanı hər iki ünvanda qanunazidd dini ayinlərin icrası aşkar olunub. Adıçəkilən dini icmalarda Cəlal Əhədovun və Ramin Həsənzadənin qeyri-qanuni olaraq dini ayin icra etdiyi üzə çıxıb.
Dini komitənin əməkdaşları həmin şəxslərin barəsində İnzibati Xətalar Məcəlləsinin 515.0.2. və 515.0.3-cü maddələri ilə inzibati xəta haqqında protokol tərtib edərək məhkəməyə göndəriblər.-05D-
Cəmiyyət
-
Azərbaycanın milli aviadaşıyıcısı AZAL noyabrın 30-dan Bakıdan Təl-Əvivə və geriyə uçuşları bərpa edir.
-
"Ünvanlı sosial yardım, ümumiyyətlə, dünyanın heç bir yerində bu praktika ömürlük mərhələ deyil. Bu, keçid bir layihədir". Bunu Milli Məclisin Əmək və sosial siyasət komitəsinin sədri Musa Quliyev noyabrın 28-də keçirilən komitə iclasında bildirib.
-
Noyabrın 30-da Bakıda və Abşeronda hava tutqun olacaq, səhər və axşam çiskin gözlənilir. Şimal-qərb küləyi əsəcək. Havanın temperaturu gecə müsbət 7 + 9, gündüz müsbət 9 + 11 dərəcə olacaq. Rütubət 70-80 faiz olacaq.
-
“Qarabağ” futbol klubu noyabrın 28-də Avropa Liqasının əsas mərhələsinin ev oyununda Fransanın “Lion” komandas;na böyük hesabla - 1:4 uduzub.
Rəy yaz