Bakı/18.10.17/Turan: Müsavat Partiyası qərargahının polis nəzarətinə götürüldüyünü bildirir. Partiyanın mətbuat xidməti bunun Müsavatın oktyabrın 21-də keçirəcəyi yürüşlə bağlı olduğunu güman edir.
Müsavat Partiyası oktyabrın 21-də Bakıda etiraz yürüşü keçirəcəyi haqda Bakı Şəhər İcra Hakimiyyətinə müraciət ünvanlasa da partiyanın müraciətinə hələ cavab verilməyib.
"Partiyanın müraciətinə hələ cavab verilməməsinə baxmayaraq, oktyabrın 17-dən Müsavat Partiyasının qərargahı polis nəzarətinə götürülüb. Polis qərargaha gələnləri saxlayıb, onların gəlişinin səbəbləri ilə maraqlanır. Hətta bir polis əməkdaşı partiya başqanının müavini Yadigar Sadıqlını saxlayaraq gəlişinin səbəbləri ilə maraqlanıb. Hazırda da partiya qərargahının önündə polis avtomobili dayanıb", - mətbuat xidmətinin əməkdaşı bildirib.
Bununla yanaşı, Bakı Şəhər Baş Polis İdarəsi Müsavat Partiyasının razılaşdırılmamış yürüşünün keçirilməsinə imkan verilməyəcəyini bildirib.
Partiyanın mətbuat xidməti bildirib ki, Bakı Şəhər İcra Hakimiyyəti yürüş keçirməklə bağlı müraciətə cavab verməsə icazəsiz aksiyasının keçirilib-keçirilməyəcəyi barədə Müsavatın Divanı qərar verəcək. -03B-
Siyasət
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
-
İran yüksək dağlıq ərazidə yerləşən Gilan əyalətində 800 km mənzilli yeni üfüqüstü radar quraşdırıb. O, ölkənin şimal hava məhakının monitorinqi üçün nəzərdə tutulub və İran HHM sisteminə inteqrasiya olunub, xəbəri İranın ISW nəşri yayıb.
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Bakı Ağır Cinayətlər Məhkəməsində 2023-cü ildə Türkiyədə saxlanılmış və Azərbaycana gətirilmiş İstanbul Universitetinin doktorantı, iqtisadçı Fazil Qasımovun işi üzrə proses davam edir.
Rəy yaz