Г.Ибрагимов. Фото: Кавказский узел
Bakı/05.06.17/Turan: Bu gün Bakı Apellyasiya Məhkəməsində gənc fəal Qiyas İbrahimovun şikayətinə baxılması başa çatıb.
Xatırladaq ki, Qiyas İbrahimov və Bayram Məmmədov narkotik maddə dövriyyəsində ittiham olunaraq 10 il azadlıqdan məhrum ediliblər. Ancaq həbsin əsl səbəbi 2016-cı il mayın 10-da Bakının mərkəzində Heydər Əliyevin abidəsini üzərinə siyasi şüarlar yazmalarıdır.
Amnesty International hüquq-müdafiə təşkilatı onları vicdan məhbusları elan edib.
Bazar ertəsi Bakı Apellyasiya Məhkəməsində Vüqar Məmmədovun sədrliyilə tərəflərin yekun çıxışları olub.
Vəkil Elçin Sadıqov məhkəməni Q.İbrahimova bəraət verilməsinə çağırıb. O qeyd edib ki, müttəhimlə bağlı Avropa İnsan Hüquqları Konvensiyasının 5 (azadlıq və şəxsi toxunulmazlıq hüququ), 6 (ədalətli məhkəmə çəkişməsi), 8, 10 və 13-cü maddələri kobud şəkildə pozulub.
Q.İbrahimov deyib ki, "burada çox nağıllar danışılıb. Bir nağılı da özü danışacaq". O deyib: "Bir gün bir saxtakar kralın yanına gəlir". Bu sözləri söyləyən kimi hakim mikrofonu söndürüb. Bu hərəkət gənci əsəbiləşdirib və o, dustaqların saxlandığı "şüşə qəfəs"dəki mikrofonu qoparıb.
Müttəhimin atası Həsən İbrahimov hakimi ittiham edərək deyib ki, vaxt olar onun da övladları müttəhimlər kürsüsündə əyləşə bilər.
Bundan sonra hakim göstəriş verib ki, fəalın atası zaldan çıxarılsın.
Q.İbrahimovun anası hakimi ədalətsizlikdə, saxtakarlıqda ittiham edib.
Qısa məşvərətdən sonra hökmün qüvvədə qaldığı barədə qərar oxunub.
Öz növbəsində fəal "şüşə qəfəs"dən "mantiyalı marionetka" deyə qışqırıb.
Bundan sonra hakim tələsik zalı tərk edib.
Müdafiə tərəfi hökmdən kassasiya şikayəti vermək niyyətindədir. -03B06--
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz