“Qızlara ağ yaraşır” beynəlxalq jurnalistlərdən mükafat qazandı!
Azercell və Azərbaycan Cüdo Federasiyasının ortaq layihəsi Azərbaycan reklam və marketinq tarixində ilk dəfə olaraq “Epica Awards” mükafatına layiq görüldü
“Qızlara ağ yaraşır” layihəsi “Epica Awards” festivalında 2 nominasiya üzrə medallara layiq görülüb. Festivalın münsiflər heyəti yalnız marketinq və kommunikasiya sahəsi üzrə ixtisaslaşmış 115 jurnalistlərdən ibarətdir. Sosial layihə “Ünsiyyət və İctimai Xidmətlər” kateqoriyasında gümüş, “İdmanla Bağlı Reklam Kampaniyası” kateqoriyası üzrə isə bürünc mükafat əldə edib. Qeyd edək ki, 115-dən çox jurnalistin dəyərləndirmə apardığı bu festivalda ilk dəfədir ki, Azərbaycanı təmsil edən layihə mükafata layiq görülüb.
“Qızlara ağ yaraşır” layihəsi bundan öncə “Ad Black Sea” beynəlxalq festivalında və Mərkəzi Asiyanın ən böyük kommunikasiya festivalı — “Red Jolbors”da Qran-pri və müxtəlif mükafatlar əldə etmişdi.
Qeyd edək ki, ölkənin lider mobil operatoru Azercell və Azərbaycan Cüdo Federasiyasının birlikdə həyata keçirdiyi sosial kampaniyanın əsas məqsədi qızları cüdoyla məşqul olmağa həvəsləndirməklə onları sağlam və fəal həyat tərzi sürməyə təşviq etmək, həmçinin erkən nikahlara qarşı mübarizə aparmaq idi.
Kampaniya çərçivəsində Azərbaycan Cüdo Federasiyasının məktəbləri və bölmələri olan bölgələrdə qeydiyyatdan keçən 7-14 yaşlı ilk 1000 qıza cüdoqi və 1 ay ödənişsiz məşq hədiyyə olunub.
“Qızlara ağ yaraşır” layihəsi haqqında ətraflı məlumat əldə etmək üçün: https://qizlaraagyarasir.az/# ®
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz