QMİ Həcc ziyarətilə bağlı sənəd qəbuluna başlayıb, qiymətlər fərqlidir
Azərbaycan Həcc Missiyasının təşkilatçısı olan Qafqaz Müsəlmanları İdarəsində (QMİ) sənədlərin qəbuluna başlanıb. (Bakı şəhəri, Mirzə Fətəli küçəsi, 7. QMİ-nin Həcc ziyarətinin təşkili şöbəsi, tel. 492-88-48, 437-15-71). Bu xəbər Turan-a QMİ-dən bəlli olub.
Xəbərə görə, sənədlər şəxsən təqdim edilir və QMİ ilə zəvvar arasında müqavilə bağlanır. Həclə bağlı xidmət haqqı zəvvarın özü və ya səlahiyyətli nümayəndəsi tərəfindən, QMİ-nin “Azərbaycan Beynəlxalq Bankı” ASC-nin “Mərkəz” filialındakı (Ünvan: AZ 1005,Bakı, Səbail, Hacı Zeynalabdin Tağıyev,3) manat hesabına ödənilir.
Ziyarətin təşkililə bağlı xidmət haqqının əhəmiyyətli hissəsi xarici tərəfdaşlara köçürüldüyü üçün məbləğ ABŞ dolları ilə müəyyən edilir. Mehmanxana, habelə ziyarət zamanı xidmət şərtlərindən asılı olaraq 4700 (dörd min yeddi yüz) və ya 5750 (beş min yeddi yüz əlli) ABŞ dolları ödənir. Zəvvarlara xidmət haqqını dolların ölkədəki mövcud məzənnəsinə uyğun ödəməli olduqları xəbərdarlığı da edilir. Ziyarətə getmək istəyənlərin biometrik (xarici) pasport, şəxsiyyət vəsiqəsinin surəti, 4x6 ölçülü 4 ədəd şəkil (ag fonda rəngli şəkil) və tibbi arayış təqdim etməli olduqları nəzərə çatdırılır.
Zəvvarlara müqəddəs Həcc və Ümrə ziyarətlərinə sənəd qəbul etmək üçün QMİ-dən başqa heç bir qurumun səlahiyyətli olmadığı xatırladılır. Hər hansı başqa quruma sənəd təqdim edərək həcc ziyarətinə getmək istəyənlərə yaranacaq anlaşılmazlıqlara görə QMİ-nin məsuliyyət daşımayacağı nəzərə çatdırılır. Həcc ziyarətinin təşkililə bağlı əlavə məlumatların QMİ-nin elektron səhifəsində (www.qafqazislam.com) yerləşdiriləcəyi də qeyd edilir. -05D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz