Bakı/18.08.17/Turan: Qobustan qapalı həbsxanada saxlanılan məhbuslar bu qızmar yay günlərində su çatışmazlığından əziyyət çəkirlər. Həbsxanaya gün ərzində iki saatdan bir su verilir, o da fasilə ilə.
Bu barədə Qobustan həbsxanasında saxlanılan məhbuslar vəkil Yalçın İmanova bildiriblər.
"Əksər kameralarda məhbuslar suyu vedrə ilə daşıyırlar. Qobustan həbsxanasındakı kameralarda yarıya qədər divarla ayrılmış açıq tualetlər var. Yayın qızmarında, belə şəraitdə suyun olmaması ciddi çətinliklər yaradır", - vəkil qeyd edib.
Məhbusların sözlərinə görə, rəhbərlik su problemini həbsxananın suya olan borcuyla izah edir.
Ombudsmanın nümayəndələri gəlməmişdən öncə "kars" otaqlarını təmir ediblər.
Avqustun 17-də Y. İmanov Qobustan həbsxanasında hüquqlarını müdafiə etdiyi şəxslərdən "Müsəlman Birliyi" Hərəkatının sədri, ilahiyyatçı Taleh Bağırzadə, onunla birlikdə həbs olunmuş Nardaran məhbusu Abbas Hüseynov və Azərbaycan İslam Partiyasının lideri, cəzasının qarşıdakı üç ilini qapalı həbsxana rejimində çəkmək üçün bir müddət əvvəl ora göndərilən Mövsüm Səmədovla görüşüb.
A. Hüseynov görüş zamanı bildirib ki, bir neçə gün əvvəl Ombudsman Aparatının nümayəndələri, Penitensiar Xidmətin Elçin adlı şöbə rəisi və Beynəlxalq Qırmızı Xaç Komitəsinin nümayəndələri ayrı-ayrılıqda ona baş çəkiblər. A.Hüseynov həbsxanada ona verilən işgəncələr haqda detallı danışıb, üzərindəki işgəncə izlərini göstərib.
Onun sözlərinə görə, işgəncələr məsələsi ictimailəşdikdən və Ombudsman Aparatının, Beynəlxalq Qırmızı Xaç Komitəsinin nümayəndələrinin Qobustan həbsxanasına gələcəyi bəlli olandan sonra hazırlıq işləri başlayıb. Ombudsman Aparatının nümayəndələri gəlməmişdən əvvəl ona təzə paltar verilib, avqustun 9-da cərimə təcridxanasından ("kars") çıxarıb, 2 "kars" kamerasını və karantn otağını təmir ediblər.
Ombudsman Aparatının nümayəndələri getdikdən sonra isə A. Hüseynov yenidən təmirsiz "kars" otağına salınıb.
Avqustun 12-də Penitensiar Xidmətin şöbə müdiri ilə görüşdə A.Hüseynov başına gələnləri şifahi şəkildə danışmaqla yanaşı, həm də bu haqda ərizə yazıb.
Avqustun 15-də Beynəlxalq Qırmızı Xaç Komitəsinin əməkdaşları həbsxanada məhbuslara baş çəkiblər. Onlar A.Hüseynovla yanaşı T. Bağırzadə və M. Səmədovla görüşüblər. Həmçinin Penitensiar Xidmətin şöbə rəisi T. Bağırzadə ilə görüşüb.
A.Hüseynova verilən "kars" cəzasının müddəti avqustun 13-də bitib. O, avqustun 14-də karantinə, ardınca da korpusa köçürülüb. Ona deyiblər ki, "qalxacaqsan korpusa, burda problemli adamlar var", bu da məhbuslar tərəfindən açıq təhdid kimi qəbul olunub.
"Abbas Hüseynov xeyli arıqlayıb. O, həbsxanada verilən qidaların lazımi keyfiyyətdə olmadığını və bu səbəbdən də həmin yeməkləri yeyə bilmədiyini deyir. Abbas hazırda 8 nəfərlik kamerada saxlanılır", - vəkil bildirib.-06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz