![Quba hadisələri üzrə prosesdə şahidlər məhkəməyə gəlmədi](https://turan.az/resized/./turan-750-500-resize.webp)
Quba hadisələri üzrə prosesdə şahidlər məhkəməyə gəlmədi
1 mart 2011-ci il Quba hadisələri üzrə prosesin aparıldığı Xaçmaz rayon məhkəməsində ittiham tərəfin şahidləri prosesə gəlməyiblər. Bu, prokuror Əhəd İbrahimovun qəzəbli reaksiyasına səbəb olub və o, yüksək səs tonu ilə məhkəmə əməkdaşlarından şahidlərin gətirilməsini tələb edib. Bu, zalda gülüşə və “heç kim yalançı şahidlik etmək istəmir” replikalarına səbəb olub.
Proses saat 14.00-da başlamalı idi. Lakin şahidlər olmadığı üçün iclas təxirə salınıb. Maraqlıdır ki, şahidlər arasında polis əməkdaşları da var.
İş üzrə 6 nəfər, o cümlədən Qubanın “Xəyal TV” telekanalının əməkdaşları Vüqar Qonaqov və Zaur Quliyev təqsirləndirilən şəxs qismində keçir. Bir müddət əvvəl bu hadisələrlə bağlı ümumilikdə 24 nəfərdən ibarət daha üç qrup mühakimə edilib. Onlardan 6 nəfəri real həbs cəzası alıblar, digərləri şərti olaraq mühakimə edilib.
* Martın 1-də minlərlə Quba sakini (Bakıdan 168 km. şimal) mitinqə çıxaraq, rayon icra başçısı Rauf Həbibovun istefasını tələb ediblər. Etirazlara səbəb İnternetdə yerləşdirilmiş icra başçısının yerli sakinləri təhqir etdiyi videosüjet olub. Etiraz aksiyası iğtişaşlara çevrilib, Həbibovun villası yandırılıb, rayon icra hakimiyyəti binasına ziyan vurulub. Şəhərə daxili qoşunlar yeridilib. Növbəti gün Həbibov rayon icra başçısı vəzifəsindən azad edilib. -06B-
-
- İqtisadiyyat
- 10 Yanvar 2013 15:29
-
- Cəmiyyət
- 10 Yanvar 2013 15:40
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz