Qubad İbadoğlu
Qubad İbadoğlu Azərbaycan hakimiyyətini öz Facebook profilini ələ keçirməkdə ittiham edir
Bakı/12.09.21/Turan: İki gündür ki, hakerlər İqtisadi Tədqiqatlar Mərkəzinin baş analitiki, ADR Hərəkatının rəhbəri Qubad İbadoğlunun Facebook səhifəsini ələ keçirməyə çalışıblar.
“Bu barədə 2 gün öncə Facebook profilimdə yazdım. Dünən hətta qoruma vasitələrindən istifadə edib müdafiəni gücləndirdim. Amma fayda vermədi. Bu gün səhər mənə mesaj gəldi ki, mənim öz kompüterimdən istifadə yolu ilə şifrəm dəyişib. Bu o deməkdir ki, Azərbaycan hökümətinin hakerləri hətta Londonda da mənim kompüterimi mənimlə bərabər işlədir”, - İbadoğlu Turan-a deyib.
Hazırda alim öz şəxsi Facebook profilinə, şəxsi səhifəsinə, ADR Hərəkatının və BİZ platformasının səhifələrinə daxil ola bilmir.
“Son zamanlar mənim hakimiyyətə qarşı sərgilədiyim mövqe geniş ictimai rezonans doğurduğundan hakimiyyət bu vasitələrə əl atır”, - İbadoğlu bildirib.—0—
Cəmiyyət
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
-
Cümə günü saat 11:00-a yaxın minik avtomobili Nərimanov metro stansiyasının yaxınlığındakı World Telecom mağazasına çırpılıb.
Rəy yaz