Qubada etiraz aksiyası (YENİLƏNİB)
Azadlıq radiosunun verdiyi xəbərə görə, Qubada daxili qoşunlar küçələrə nəzarət edir, aksiya dağıdılıb.
"Qubada etirazçıları "dubinka" ilə döydülər. Halbuki, onlar polisə müqavimət göstərmirdilər, sadəcə olaraq, öz hüquqlarından istifadə edərək aksiya keçirirdilər. Amma polis "dubinka", su şırnağı və gözyaşardıcı qazdan istifadə etdi."
Bunları AzadlıqRadiosuna adının çəkilməsini istəməyən rayon sakini deyib.
Daxili Qoşunlar ərazidə qalmaqda davam edir. Həbs olunanlar var, amma onların dəqiq sayı bəlli deyil.
2016 Yanvar 15 (Cümə) 16:49:20
Ölkə regionlarında bahalaşmalara qarşı etiraz aksiyaları bu gün Quba şəhərinə (Bakıdan 168 km şimal) də yayılıb.
Yerli mənbələrin məlumatına görə, 5 minə yaxın insan səhər saatlarından avtovağzal ətrafında toplaşaraq, işsizlikdən və bahalaşmadan narazılıqlarını bildiriblər. Rayon rəhbərliyi danışıqlar aparmaq üçün mitinq iştirakçılarının qarşısına çıxıb, onları dağılmağa razılaşdırmağa çalışıb.
Mənbənin məlumatına görə, toplaşanların əsas kütləsi sosial-iqtisadi vəziyyətin xüsusilə ağır olduğu kəndlərin sakinləridir. İnsanlar ağır kreditlərdən, işsizlikdən və məmur özbaşınalığından şikayət edir.
“Azadlıq” radiosunun müxbirinin məlumatına görə, icra hakimiyyəti başçısı insanlara problemlərini həll etməyi vəd edir. Lakin insanlar dağılmır.
Bu arada, şəhərə daxili qoşunlar yeridilib, onlar mitinq iştirakçılarını mühasirəyə alıb. Şəhərə giriş-çıxış polis nəzarəti altına alınıb, bütün nəqliyyat yoxlanılır.
Səhər tezdən polis yerli məscidə bomba qoyulduğunu bildirib, dindarları toplaşmamağa çağırıb, amma bu, insanların bir yerə cəmləşməsinə yol verməmək məqsədi daşıyan hiylə kimi qəbul edilib. -02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz