
Açiq mənbələrdən foto.
Qusar xəstəxanasının rəhbəri saxlanılıb
Bakı/20.10.21/Turan: Qusar Rayon Mərkəzi Xəstəxanasının direktoru Mübariz Zeynalov rüşvət alarkən cinayət başında tutulub. Bu barədə Baş Prokurorluğun mətbuat xidməti məlumat yayıb.
İstintaqın məlumatına görə, Zeynalov stomatoloji avadanlığın xəstəxananın həkiminə verilməsi müqabilində ondan 2000 manat tələb edib.
Zeynalov oktyabrın 19-da iş otağında bu məbləğin yarısını alarkən yaxalanıb.
Faktla bağlı Azərbaycan Cinayət Məcəlləsinin 308.1-ci (vəzifə səlahiyyətlərini aşma) və 311.1-ci (rüşvət alma) maddələrilə cinayət işi başlanıb.
Mübariz Zeynalov şübhəli şəxs qismində saxlanılıb.—06D-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz