Cümə günü Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin (RYTN) 11 keçmiş əməkdaşının cinayət işi üzrə növbəti məhkəmə prosesi keçirilib.
Dekabrın 9-da "Aztelekom" MMC-nin rəhbəri Məhəmməd Məmmədov ifadə verib. Vəkillərin təklifi ilə M.Məmmədovun ibtidai istintaqda verdiyi ifadələr açıqlanıb.
O deyib ki, "Aztelekom"un baş mühasibi Oqtay Rüstəmov nazirliyin aparat rəhbəri Vidadi Zeynalova tabe olub və 2009-2013-cü illərdə hər ay ona 500 min manat, 2014-2015-ci illərdə isə 200 min manat verirmiş.
Beynəlxalq danışıq trafikinə görə "Azintelekom” MMC-dən "Aztelekom” MMC-nin hesabına aylıq 1-2 milyon manat arası vəsait köçürülüb. "Azintelekom” MMC-nin hesabından köçürülən vəsait birbaşa və ya dolayı yolla V.Zeynalova çatıb.
M.Məmmədov mənimsəmələrdə özünü günahkar bilməyərək bildirib ki, pul köçürməsi ilə baş mühasib məşğul olub.
Vəkillərin suallarını cavablandıran M.Məmmədov nazirliyin pulları V.Zeynalova köçürməyi əmr edən rəhbərlərinin adlarını açıqlamayıb.
Vəkillərin “M.Məmmədov özünü günahkar bilmədiyi halda istintaq zamanı müəyyən edilmiş zərəri niyə ödəyib” sualına M.Məmmədov "həmin məbləği dostlarım ödəyiblər. Sağ olsunlar. Səbəbini bilmirəm" cavabını verib.
Öz növbəsində “Aztelekom”un baş mühasibi O.Rüstəmov bildirib ki, onun maaşı 1600 manat olub və o, mənimsəmədə iştirak etməyib. O, özünü bu işdə “qurbanlıq qoyun” adlandırıb.
Sonra bildirib ki, ilkin ifadə verdiyi zaman eynəyi olmadığı üçün oxumadan qol çəkib. Bundan sonra bir neçə dəfə də ifadə verib. O, ibtidai istintaq zamanı bildirib ki, V.Zeynalovun göstərişi ilə adlarını xatırlamadığı adamlardan hər ay 200 min manat yığıb və V.Zeynalova ötürüb. Həmçinin V.Zeynalovun göstərişi ilə ona məxsus özəl şirkətlərin hesabına pul köçürüb.
V.Zeynalovun vəkili Ceyhun Yusifov müttəhimə deyib: "Niyə Əli Abbasovun adını çəkmirsiniz? Qorxursunuz? Ancaq Vidadi Zeynalovun adını çəkirsiniz. Vidadi müəllim nazirlikdə kim idi? Pul yığan idi də..."
Sonra məhkəmə V.Zeynalova ifadə verməyi təklif edib, ancaq o imtina edib və bunu ittiham aktının bu günə qədər ona verilməməsi ilə izah edib.
Bundan sonra ittiham aktı ona verilib. V.Zeynalov dekabrın 14-də növbəti iclasda çıxış edəcəyini bildirib.
İstintaqa görə, V.Zeynalov digər 10 müttəhimlə birlikdə saxta sənədlər vasitəsilə 40 mln. manat mənimsəyib. 36C--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz