Bakı/09.06.17/Turan: Talış Mədəniyyət Mərkəzinin sədri Rafiq Cəlilov ölkədən çıxışına məhdudiyyət qoyulması ilə əlaqədar Azərbaycan baş prokuroruna müraciət edib.
Cəlilovun Turan-a verdiyi məlumata görə, mayın 24-də xaricə nəzərdə tutulan səfəri ilə əlaqədar o, DİN-in cinayət axtarış şöbəsində ölkədən çıxışına məhdudiyyət olub-olmadığını yoxlayıb. Ona qadağa olmadığını deyiblər.
Mayın 26-da Cəlilov şəxsi avtomobili ilə Mahaçqalaya dostunun oğlunun toyuna yola düşüb. Amma sərhəddə onu saxlayıblar və ölkədən çıxışının qadağan olduğunu bildirərək, yerli polisə təhvil veriblər
Baş Prokurorluğun Ağır Cinayətlər üzrə İstintaq İdarəsinin müstəntiqi Orxan Rüstəmov polisə müvafiq faks göndərdikdən sonra onu sərbəst buraxıblar.
Prokurorluğun qadağası bir ay əvvəl Cəlilovun bu ilin fevralında Ermənistana qaçmış Şahin Mirzəlinin işi üzrə şahid olması ilə əlaqədar tətbiq edilib.
"Başa düşmürəm, Azərbaycandan buraxmamağın nə mənası var? Mən getmək istəsəydim bunu 2014-cü ildə Avropada olarkən edərdim. Azərbaycandan heç yerə getmək niyyətim yoxdur" deyə Cəlilov bildirib.
Cəlilov yerdəyişmə azadlığının məhdudlaşdırılmasını əsassız və siyasi motivli hesab edir və Baş Prokurora müraciət etdiyini bildirib. -06D-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz