Ramil Şeydayev
Bakı/01.07.21/Turan: Azərbaycanın futbol yığmasının 25 yaşlı forvardı Ramil Şeydayev Bakının “Sabah” klubu ilə müqaviləsi başa çatdıqdan sonra Ağdamın “Qarabağ” klubuna keçib. Bu barədə “Qarabağ” FK öz Facebook hesabında məlumat yayıb.
Yəqin ki, Şeydayev “Qarabağın” hücumunda Varşavanın “Legia” komandasına keçən Mahir Əmrəlini əvəz edəcək.
Yeni mövsümdə Azərbaycan premyer-liqasında çempionluğu əldən verən “Qarabağ” yeni Avropa turnirində - konfranslar kubokunda çıxış edəcək.
Şeydayev Rusiyanın yeniyetmələr (17 yaşa qədər) yığmasının tərkibində Avropa çempionu və 18 yaşa qədər yaş kateqoriyasında Avropa yarışlarının finalçısı olub.
Şeydayev Rusiyanın “Zenit”, “Dinamo”, “Krılya sovetov”, Slovakiyanın “Jilina”, Azərbaycanın “Qarabağ” və “Sabah” klublarında oynayıb.
Şeydayev Azərbaycan yığmasında 24 matçda oynayıb, Almaniya və Xorvatiya milli komandalarının qapısına vurduğu qollar da daxil olmaqla, ümumilikdə 6 qol vurub. -06D-
Cəmiyyət
-
Son günlər yağışlar nəticəsində Bakının Binəqədi rayonunun bəzi ərazilərində, Abşeron rayonunda müəyyən yerlərdə evləri su basıb. Sakinlər şikayətlənir ki, bu hal illərdir baş verir. Biləcəri qəsəbəsində yaşayan Mahir Məmmədov AzadlıqRadiosuna bildirib ki, üç gün əvvəl, mayın 6-da yağan leysandan sonra evinə su dolub: "Bizdə həyət evidir. Yağış yağıb, evim su içindədir, mebellərimə də ziyan dəyib. Bu vəziyyət illərdir davam edir. Şikayət etmədiyimiz qurum qalmadı. Hər dəfə deyirlər ki, nasoslar çatdırmır, düzələcək, amma düzəlmir".
-
9 may Qələbə bayramı münasibətilə Azərbaycanda prezidentin sərəncamı ilə İkinci Dünya Müharibəsi iştirakçılarına 2 min manat (1167 dollar) birdəfəlik yardım ayrılıb. Ölkədə 1941-1945-ci illər hərbi əməliyyatlarının cəmi 30 nəfər birbaşa iştirakçısı qalıb.
-
Mayın 10-da Bakıda və Abşeron yarımadasında hava şəraitinin dəyişkən buludlu olacağı, əsasən yağıntısız keçəcəyi gözlənilir. Mülayim cənub küləyi axşam şimal-qərb küləyilə əvəz olunacaq.
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
Rəy yaz