Bakı/15.01.18/Turan: Reportyorların Azadlıq və Təhlükəsizlik İnstitutu (RATİ) araşdırmaçı jurnalist Əfqan Muxtarlının barəsində siyasi motivli hökmü pisləyib və onun dərhal azadlığa buraxılmasını tələb edib.
RATİ-nin 15 yanvar tarixli bəyanatında deyilir ki, saxta dəlillərə və müəmmalı həbs şəraitinə baxmayaraq, Ə.Muxtarlı mühakimə edilib. Belə ki, onu Gürcüstanın paytaxtında oğurlayıblar və qanunsuz olaraq Bakıya gətiriblər.
RATİ Gürcüstan hüquq-mühafizə orqanlarının Ə.Muxtarlının oğurlanmasını indiyədək araşdırmamasından narahatlığını bildirir və Gürcüstan hökumətinin bu yöndə səylərini yetərli hesab etmir.
RATİ Gürcüstan hakimiyyətini azərbaycanlı jurnalistlərin və vətəndaş cəmiyyəti fəallarının təhlükəsizlik məsələsini diqqətdə saxlamağa çağırır.
RATİ Azərbaycan hakimiyyətini Əfqan Muxtarlını, digər jurnalist və blogerləri azad etməyə çağırır: Mehman Hüseynov, Seymur Həzi, Əzizə Orucova, Nicat Əliyev, Araz Quliyev, Fİkrət İbişbəyli (Fərəməzoğlu), Əfqan Sadıqov, Elçin İsmayıllı, Cavid Şirəliyev, Ziya Əsədli və Ərşad İbrahimov, blogerlər Rəşad Ramazanov, İlkin Rüstəmzadə, yazıçı Saday Şəkərli, Tofiq Həsənov, fəallar Qiyas İbrahimov və Bayram Məmmədov.
RATİ AŞPA-nı jurnalistlərə qarşı təqiblərə və Avropa Şurası qarşısında öz öhdəliklərini yerinə yetirmədiyinə görə Azərbaycan hakimiyyətinin hərəkətlərini yanvar sessiyasında pisləməyə çağırıb. Avropa İttifaqını və ATƏT-i isə Azərbaycanda insan hüquqlarını pozanlara qarşı sanksiya tətbiq etməyə çağırıb.-06D--
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz