vəkil Elçin Sadıqov
Bakı/15.01.18/Turan: "Penitensiar Xidmətin həbsxanasında saxlanılan Səfa Poladov və Arif Kazımov hazırda dəmirin üstündə yatırlar. Həbsxana rəisi onları ölümlə hədələyib. Alçaldıcı rəftara məruz qalıblar. Arif Kazımov baş verənlərdən bezərək intihar edib (amma həbsxana əməkdaşları intiharın qarşısını alıblar)". Bu barədə vəkil Elçin Sadıqov yanvarın 13-də Penitensiar Xidmətin həbsxanasında Səfa Poladov və Arif Kazımovla görüşdükdən sonra Facebook səhifəsində yazıb.
A. Kazımov və S.Poladov keçmiş Xüsusi Təyinatlı Polis Dəstəsində qulluq ediblər. 1996-cı ildə Qazax rayonunda (Bakıdan 500 kilometr qərb) baş verən silahlı insidentdən sonra həbs olunublar. Əvvəlcə ölüm cəzasına, ölüm cəzası ləğv edildikdən sonra isə ömürlük həbsə məhkum ediliblər. 2017-ci ilin martımda Ali Məhkəmə ömürlük azadlıqdan məhrumetmənin 20 illik həbslə əvəz edilməsi barədə A.Kazımov və S. Poladovun kassasiya şikayətini təmin etməyib.
Vəkil yazır ki, A.Kazımov və S.Poladov 2017-ci il dekabrın 14-də həbsxana rəisinin onlara qarşı qanunsuz və alçaldıcı hərəkətlərə yol verdiyini, dəfələrlə heç bir əsas olmadan televizora baxmaq adı ilə karsa (cərimə kamerasına) salındıqlarını, yerlərini dəyişdirib başqa yerə köçürüldüklərini bildiriblər.
"Mənə Azərbaycan prezidenti İlham Əliyevin adına yazılmış ərizə verdilər və yazılı olaraq xahiş etdilər ki, bu məlumatı təcili olaraq ictimailəşdirim ki, ölkə başçısının və ombudsmanın baş verənlərdən dərhal məlumatı olsun. Ombudsman dərhal onları qəbul edib, həyatlarına olan təhlükənin qarşısını alsın", - vəkil qeyd edib.
Penitensiar Xidmət hələ məhbusların bəyanatına münasibət bildirməyib. Amma Penitensiar Xidmət bir qayda olaraq həbs yerlərində insanların qanunvericiliyin tələblərinə uyğun saxlanıldığını, onların işgəncə və qeyri-insani rəftara məruz qalmadığını bildirir.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz