RATİ: İdrak Abbasovun və onun qohumlarının həyatı təhlükə altındadır
Reportyorların Azadlıq və Təhlükəsizlik İnstitutu (RATİ) qurumun əməkdaşı İdrak Abbasovun və onun ailə üzvlərinin təhlükəsizliyi ilə bağlı narahatdır. Bu barədə RATİ-nin direktoru Emin Hüseynov bugünkü mətbuat konfransında son faktlarla bağlı bildirib.
Xatırladaq ki, son günlər naməlum şəxslər üç dəfə İ.Abbasovun maşınını açmağa cəhd göstəriblər, lakin siqnalizasiya işə düşdükdən sonra qaçıblar.
İ.Abbasov birinci dəfə deyil ki, fiziki təzyiqlərə və hədələrə məruz qalır. Odur ki, RATİ rəhbəri hüquq-mühafizə orqanlarını İ.Abbasovun və onun ailə üzvlərinin təhlükəsizliyini təmin etməyə çağırıb. RATİ də öz tərəfindən bundan ötrü tədbirlər görəcək, onun evində videomüşahidə qurğusu qoyacaq.
E.Hüseynov polis əməkdaşlarının avtomobili açmaq istəyənlərin barmaq izlərini götürməməsindən təəssüfləndiyini bildirib.
İ.Abbasov bildirib ki, ən çox ailə üzvlərinə görə narahatdır. Ailə üzvləri onun üzündən bundan əvvəl də əziyyət çəkiblər. Belə ki, bir neçə ay əvvəl uşaq bağçasının yanında avtomobili onun uşağının üstünə sürüblər. “İstintaq bildirdi ki, günahkar uşaqdır, maşını sürücülük vəsiqəsi olmadan idarə edən şəxs isə 200 manat cərimə ilə canını qurtardı”, - İ.Abbasov vurğulayıb.
İ.Abbasov maşına narkotik maddənin və silahın atılması, sonradan isə özünün həbs olunması versiyasını istisna etməyib. Jurnalist güman edir ki, bu, aprelin 18-də SOCAR-ın təhlükəsizlik xidmətinin əməkdaşları ilə onun arasında baş verən münaqişənin nəticəsidir.
Bu məsələ böyük beynəlxalq rezonans doğurub və hakimiyyətin tənqidinə səbəb olub. Hətta ABŞ-ın dövlət katibi Hillari Klintonun Bakıya səfəri zamanı bu məsələyə toxunulub.
“Yalnız bundan sonra istintaq məni zərərçəkən kimi tanıdı”, - İ.Abbasov vurğulayıb.
Onun məlumatına görə, SOCAR bütün yollarla işi ört-basdır etməyə çalışır, əvvəllər də onunla əlaqə qurmağa və razılığa gəlməyə can atıblar. Lakin jurnalist bu təklifi rədd edib və onun avtomobilinə basqın etmək istəyiblər. Jurnalist bildirib ki, ölkəni tərk etməyə hazırlaşmır, yalnız gözlərini əməliyyat etdirmək üçün müəyyən müddətə gedəcək.
O, aprelin 18-də Sulutəpədə amansızcasına döyülməsi faktı üzrə istintaqın gedişindən razı deyil və istintaq orqanlarını məhkəməyə vermək niyyətindədir. İstintaqın 132-ci maddə üzrə (jurnalist fəaliyyətinə maneçilik törədilməsi) aparılması barədə təkidli tələblərə baxmayaraq, istintaq “xuliqanlıq” maddəsi üzrə gedir.
RATİ-nin direktoru SOCAR-ın beynəlxalq tərəfdaşlarını İ.Abbasovu döyən və daha 4 jurnalistə təzyiq göstərən şəxslərin cəzalandırılmasını şirkətdən tələb etməyə çağırıb.-06C-
-
- İqtisadiyyat
- 30 Avqust 2012 15:13
-
- İqtisadiyyat
- 30 Avqust 2012 15:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz