“Azərbaycanın Cinayət Məcəlləsində diffamasiya ilə bağlı müddəaların əhatə dairəsinin daha da genişləndirilməsi ifadə azadlığının onsuz da sərt şəkildə məhdudlaşdırıldığı bir ölkədə mətbuat azadlığı üçün ciddi bir geriləmədir”, - Reportyorların Azadlıq və Təhlükəsizlik İnstitutunun (RATİ) bəyanatında bildirilir.
Qanun layihəsi 148 (təhqir) və 223 (Azərbaycan prezidentinin şərəf və ləyaqətinin müdafiəsi) maddələrinə düzəlişləri nəzərdə tutur ki, bunlar da İnternetdə diffamasiyaya görə cinayət məsuliyyətini, o cümlədən azadlıqdan məhrumetməni nəzərdə tutur.
RATİ hesab edir ki, diffamasiyaya görə cinayət məsuliyyəti reqressiv xarakter daşıyır və beynəlxalq hüquq normaları ilə bir araya sığmır.
RATİ xatırladır ki, təklif olunan dəyişikliklər dövlət başçısını tənqid etdiklərinə görə Sancaq Prodakşn İnternet bloqu və “Meydan” TV-nin bağlanması ilə bağlı bir neçə deputatın çağırışından sonraya təsadüf edir.
“Hökumət ənənəvi medianın bütün formalarını effektiv şəkildə susdursa da tənqidi səslər müxalif fikirlər üçün sonuncu nisbətən azad məkan olan İnternetdə mövcudluqlarını qoruya biliblər”, - bəyanatda qeyd olunur.
İnternetdə ifadə azadlığının məhdudlaşdıran cinayət məsuliyyəti təhlükəsi Azərbaycanın dinamik bloqçu və İnternet fəalı icmasının bünövrəsinə sarsıdıcı bir zərbədir”, - bəyanatda deyilir.
RATİ xatırladır ki, 323.1-ci maddə özü Azərbaycanın insan hüquqları, xüsusən də ifadə azadlığının qorunması ilə bağlı öhdəliklərinə ziddir.
RATİ hesab edir ki, diffamasiya yalnız mülki məsuliyyət yaratmalıdır, çünki diffamasiyaya görə cinayət məsuliyyətinin olması ifadə azadlığına mənfi təsir göstərir.
Diffamasiya maddələrinin cinayət qanununda saxlanması İnsan Hüquqları üzrə Avropa Konvensiyasına və Mülki və Siyasi Hüquqlar haqqında Beynəlxalq Pakta qoşulmuş bir dövlət olaraq Azərbaycanın öhdəlikləri ilə kəskin ziddiyyət təşkil edir.
BMT İnsan Hüquqları Komitəsi azadlıqdan məhrumetmənin diffamasiyaya görə müvafiq cəza olmadığını bəyan edib.
RATİ Milli Məclisi təklif olunan dəyişiklikləri rədd etməyə, Konstitusiya ilə vətəndaşların hüquqlarının təminatçısı olan ölkə prezidentini isə diffamasiya müddəalarını Cinayət Məcəlləsindən çıxarmaqla ifadə azadlığını qorumağa çağırır.
RATİ beynəlxalq təşkilatları, xüsusilə BMT, ATƏT və Avropa Şurasını Azərbaycan hökumətini təkidlə diffamasiyaya görə cinayət məsuliyyətini ləğv etməyə səsləməyə çağırır.—06D—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz