RATİ Panama sənədləri ilə əlaqədar Xədicə İsmayılovanın azadlığa buraxılmasını tələb edib
Reportyorların Azadlıq və Təhlükəsizlik İnstitutu (RATİ) beynəlxalq birliyi Azərbaycan hakimiyyətindən jurnalist Xədicə İsmayılovanın dərhal və qeyd-şərtsiz azad olunmasını tələb etməyə çağırıb. Əgər bundan imtina olunarsa Panama sənədlərində adı keçən azərbaycanlılara qarşı beynəlxalq sanksiyaların tətbiqinə çağırıb.
RATİ həmçinin beynəlxalq birliyi Azərbaycan hakimiyyətinə təzyiq göstərməyə və ondan əsas insan hüquqları, həmçinin şəffaflıq və hesabatlılıq sahəsində beynəlxalq öhdəliklərini yerinə yetirməyi tələb etməyə çağırıb.
Böyük Britaniya, Fransa, Avstraliya və Meksika Panama sənədləri ilə əlaqədar vergi ödənişindən yayınma hallarının araşdırılmasını vəd etdikləri halda Azərbaycan hakimiyyəti tərəfindən heç bir addım atılmayıb və ölkə parlamentinin hər hansı reaksiyası yoxdur.
RATİ hesab edir ki, nə qədər ki hökumət ciddi islahatlar həyata keçirmir, beynəlxalq maliyyə müəssisələri Azərbaycan hökumətinin istənilən institusional, maliyyə və iqtisadi təşəbbüslərinin dəstəklənməsindən qəti şəkildə imtina etməlidir. “İslahatlar olmadan ayrılan vəsaitdən yüksək vəzifəli və korrupsiyaya uğramış məmurların maraqları üçün istifadə olunacaq. Bu, Azərbaycan xalqına ağır borcdan baş bir şey gətirməyəcək”, - RATİ qeyd edib.
RATİ Azərbaycan hakimiyyətini Xədicə İsmayılovanı və hökuməti tənqid edən digər şəxsləri azad etməyə, müstəqil KİV və digər vətəndaş cəmiyyəti institutlarının şəffaflığın artırılmasında, korrupsiyaya qarşı mübarizədə iştirak etməsi üçün hüquqi islahatlar aparmağa çağırır.
RATİ qeyd edir ki, Panama sənədlərində əks olunan ifşaedici faktlar azad Azərbaycan mətbuatının qəhrəmanı jurnalist Xədicə İsmayılovanın dərhal azadlğa buraxılmasına əlavə təkan verir.
Panama sənədlərində Azərbaycan prezidentinin ailə üzvlərinə ayrıca bölmə həsr olunub.
Bölmədə onların mürəkkəb ofşor şirkətləri sistemi ilə əlaqələri öyrənilir. Bu sənədlər göstərir ki, 2003-cü ildən Azərbaycanın vergilər naziri Fazil Məmmədov AtaHolding konqlameratını yaradır və bunda iştiraka Əliyevlər ailəsi də qoşulyr. Beləliklə, prezident Əliyevin ailəsi “ofşor imperiyası” qurub.
Panama sənədləri Panamanın Mossack Fonseca hüquq şirkətinin sızdırdığı məxfi sənədlərin qeyri-formal adıdır. Dərc edilən nəticələrin əsas tematikası siyasətçilərin gizli mülkiyyətinin olması və bununla əlaqədar maraqların toqquşmasının açıqlanmasıdır.
2,6 terabayt həcmində arxiv 11,5 milyon fayldan ibarətdir. Burada hazırki və keçmiş dünya liderlərinin, yüksək vəzifəli məmurların və tanınmış adamların adları açıqlanır. Materiallarda əsasən 12 hazırki və keçmiş dövlət başçısının adları çəkilir.—0-
-
- Dünyada
- 13 Aprel 2016 11:25
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz