Bakı/17.10.17/Turan: Reportyorların Azadlıq və Təhlükəsizlik İnstitutu Kiyevdə Azərbaycanlı müxalif jurnalist Fikrət Hüseynlinin saxlanılması ilə bağlı dərin narahatlığını ifadə edib və Ukrayna hakimiyyətini onu dərhal azad etməyə çağırıb.
RATİ Fikrət Hüseynlinin oktyabrın 14-də İnterpol-un Azərbaycan hakimiyyəti tərəfindən verilmiş sorğusu əsasında Ukrayna sərhəd xidmətinin əməkdaşları tərəfindən saxlanılmasını siyasi motivli hesab edir.
"Ukrayna hakimiyyətinin Azərbaycanlı müxalif jurnalisti Azərbaycan hakimiyyətinin istəyilə saxlaması Ukraynanın Avropa Şurası və ATƏT-ə üzvlük çərçivəsində riayət etmək öhdəliyi götürdüyü ifadə azadlığının müdafiəsi üzrə ümumavropa dəyərlərinə ciddi zərbə vurur", RATİ-nin icraçı direktoru Emin Hüseynov belə hesab edir.
Ukrayna sürgündə yaşayan jurnalistlərin həbsi təcrübəsinə son qoymalı və Fikrət Hüseynlini və yenə Ukraynada saxlanılan özbək jurnalist Narzullo Oxundjenovu dərhal azad etməlidir.
RATİ Fikrət Hüseynlinin 2015-ci ildən vətəndaşı olduğu Niderland hakimiyyətini onun tezliklə azad edilməsinə əlindən gələn köməkliyi göstərməyə, habelə bu məsələni Avropa Şurasında qaldırmağa çağırıb.
Bəyanatda Avropa Parlamenti araşdırmaçı jurnalist Əfqan Muxtarlının Gürcüstanda oğurlanmasından və qanunsuz olaraq Azərbaycana ekstradisiya olunmasından sonra olduğu kimi, Azərbaycanda ifadə azadlığı sahəsində vəziyyətə yenidən baxmağa çağırılır.
RATİ Avropa Şurası, ATƏT və Avropa İttifaqını avtoritar rejimlərin məcburi olaraq siyasi mühacirətdə yaşayan dissidentlərin həbsi üçün beynəlxalq hüquq mexanizmlərimdən sui-istifadəsinə imkan verməməyə çağırıb.
İnterpol mexanizmlərinin köməyilə tənqidçilərin təqibindən sui-istifadə faktlarının sıxlaşması fonunda RATİ beynəlxalq ictimaiyyəti İnterpol-dan transmilli siyasi mübarizə aləti kimi istifadəni istisna etmək üçün bu beynəlxalq təşkilatda təxirəsalınmaz islahatlar aparmağa çağırıb.
RATİ Azərbaycan hakimiyyətini jurnalistlərin təqibinə son qoymağa və həbs edilmiş jurnalistləri, blogerləri və yazıçıları, vətəndaş fəallarını həbsxanalardan azad etməyə çağırıb. -0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz