Rauf Mirqədirovun həbs müddəti bir ay uzadılıb

Dünən Bakının Nəsimi rayon məhkəməsi dövlətə xəyanətdə ittiham olunan jurnalist Rauf Mirqədirovun həbs müddətini bir ay uzadıb.

Vəkil Elmar Süleymanovun Turan-a verdiyi məlumata görə, Mirqədirovu özü barəsində heç bir istintaq hərəkəti aparılmır və həbs müddətinin uzadılmasına ehtiyac yox idi.

İstintaq isə həbs müddətinin uzadılmasını təyin edilmiş ekspertizaların nəticələrinin alınması zərurəti ilə izah edir. Lakin vəkil Mirqədirovun işi üzrə istintaqın yekunlaşdığını düşünmür.

Onun sözlərinə görə, 2014-cü ilin sonlarında qanunvericiliyə düzəlişlər ibtidai istintaq zamanı maksimum həbsdə saxlama müddətini 12 aydan 13 aya qədər uzatmağa imkan verib. Bu zaman “müstəsna hallarda” məhkəmə istintaqı 6 ay daha uzada bilər.

Xatırladaq ki, Mirqədirov özü irəli sürülmüş ittihamı rədd edir, onu absurd adlandırır.

Jurnalist 2014-cü il aprelin 19-da Türkiyədən deportasiya edildikdən dərhal sonra Bakıda saxlanılıb. Ona qarşı Ermənistanın xeyrinə casusluq etməklə dövlətə xəyanət ittihamı irəli sürülüb.

Bu ittiham MTN-in “Samvel” adlı şəxsdən aldığı videokadr əsasında qurulub. Videoda Mirqədirovun Tbilisidə beynəlxalq seminarın iştirakçıları ilə söhbət etdiyi və hansısa sənədləri imzaladığı əksini tapıb.

MTN iddia edir ki, Mirqədirov pul müqabilində ermənilərə Azərbaycanın hərbi obyektləri və SQ haqqında məlumat verib. -06D-