Bakı/31.07.19/Turan: İyulun 31-də "hefteaz.info" saytın redaktoru və Müsavat Partiyasının üzvü Aqil Mahmudovun ölkədən çıxışına məhdudiyyət qoyulub. Bu barədə Turan-a məlumat verən Mahmudovun sözlərinə görə, o, bu gün Gürcüstana keçmək istəyərkən Sərhəd Xidmətinin əməkdaşları tərəfindən saxlanılıb. Ona bildirilib ki, Daxili İşlər Nazirliyi saxlanılmaqla onun ölkədən çıxışına məhdudiyyət qoyulması barədə qərar verib.
"Məni polisə apardılar, 8 saat saxladılar, DİN-ə sorğu göndərdilər. Məlum oldu ki, 2018-ci ildə piketdə iştirakıma görə İXM-nin 510-cu maddəsilə 20 sutkalıq həbs edilmişdim. Buna görə Göyçay Polis Şöbəsi ölkədən çıxışıma məhdudiyyət qoyub", deyə Mahmudov bildirib.
Jurnalist xaricə səfərlərinə qadağa qoyulmasını qanunsuz hesab edir, belə ki, o, inzibati cəzanı tam çəkib. Mahmudov DİN-ə müraciət edib qadağanın ləğv olunmasına nail olmaq niyyətindədir. Göyçay Polis Şöbəsindən və DİN-dən şərh almaq mümkün olmayıb. -21C-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz