Bakı/31.07.19/Turan: Türkiyə Milli Müdafiə Nazirliyi Azərbaycanın qəzaya uğramış "MİG-29" hərbi təyyarəsini xilas etmək üçün Azərbaycana hərbi heyət göndərib. Bu barədə məlumat qeyd edilən nazirliyin saytında yer alır.
Məlumata görə, Türkiyə Dəniz Qüvvələrinə aid 10 nəfərlik Sualtı Axtarış və Xilasetmə heyəti bu gün, yəni iyulun 31-də Bakıya yola salınıb.
Məlumatda deyilir ki, hərbi heyət Türkiyə Hərbi Qüvvələrinə aid təyyarə ilə Bakıya yola salınıb və bu hərbi heyət iyulun 24-də qəzaya uğramış təyyarənin hissələrini və eləcə də təyyarəçinin axtarışı ilə bağlı çalışmalara dəstək verəcəklər. Xatırladaq ki, Azərbaycan Hərbi Hava Qüvvələrinə aid "MİQ-29" hərbi təyyarəsi iyulun 24-də qəfil radarlardan itib. Azərbaycan Müdafiə Nazirliyi iyulun 25-də verdiyi açıqlamada təyyarənin Xəzər dənizinə düşdüyü ehtimalını bildiririb.
Elə iyulun 25-də axtarışları aparmaq üçün Qərargah yaradılıb, aidiyyatı qurumlar xilasetmə işlərinə başlayıblar. Hadisədən bir həftə keçsə də, hələlik nə təyyarə tapılıb, nə də pilot R.Atakişiyevin taleyindən bir xəbər var. -0-
Siyasət
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
Rəy yaz