Reportyor Facebook-dakı yazısına görə polisə çağırılıb
Bakı/19.10.17/Turan: "Futbol+" qəzetinin reportyoru Şəfi Şəfiyev oktyabrın 19-da Baş Mütəşəkkil Cinayətkarlığa Qarşı Mübarizə İdarəsinə (BMCQMİ) çağırılıb. Bu haqda Ş.Şəfiyev özü bildirib.
Onun sözlərinə görə, idarədə söhbət olana kimi çağırılmasının səbəbi ona dəqiq məlum olmayıb: "Təxmin edirdim, amma əmin deyildim ki, buna görə idarəyə çağırarlar. Söhbət 2003-cü il oktyabrın 15-16-da baş vermiş hadisələrlə bağlı foto-videoların sosial şəbəkədə paylaşılmasından gedir. İdarəyə çağırışla bağlı jurnaist dostlarıma bildirdim, habelə, vəkilə xəbər verdim".
Ş.Şəfiyev deyir ki, bu gün səhər vəkil Elçin Sadıqovla idarəyə gedib, amma vəkili içəri buraxmayıblar: "İdarədə bəlkə ən yaxşı halda 5-6 dəqiqə söhbət oldu, həmin foto-videolarla bağlı irad bildirdilər. İndi yüksək vəzifə sahibi olan polis məmuru ilə bağlı paylaşımlar xüsusi diqqət mərkəzində oldu və mənə bir də belə paylaşımlar etməməyi tövsiyə etdi".
Bundan sonra reportyor sərbəst buraxıldığını və hər hansı başqa xəbərdarlıq almadığını bildirib.
Xatırladaq ki, 2003-cü il oktyabrın 15-də keçirilmiş prezident seçkilərinin nəticələrinə etiraz olaraq müxalif qüvvələri dəstəkləyənlər etiraz aksiyası keçiriblər, buna cavab olaraq aksiyanı dağıtmaq üçün polis və daxili qoşunların qüvvələrindən istifadə edilib. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz