Reportyor Nurlan Qəhramanlı
Reportyor Nurlan Qəhrəmanlı həbs edilib və qadağan olunmuş məlumatların yayılmasında təqsirli bilinib
Bakж/22.09.23/Turan: Reportyor Nurlan Qəhramanlı qadağan olunmuş informasiyanın yayılmasında təqsirli bilinərək (İXM 388-1.1.1-ci maddəsi) inzibati qaydada 30 sutka həbs olunub. Qərar Yasamal Rayon Məhkəməsi tərəfindən sentyabrın 21-də çıxarılıb.
N.Qəhrəmanlının yaxınları Turana bildirib ki, o, günorta saatlarında Sumqayıtda yaşadığı evindən mülki geyimli şəxslər tərəfindən zorla aparılıb. "İnternet provayderi adından gələrək Nurlanı çağırıblar. Nurlan çıxan kimi qollarını buraraq tutub aparıblar".
Məhkəmədə N.Qəhrəmanlı jurnalistlərə bildirib ki, mənəvi və fiziki təzyiqə məruz qalıb, bədənində xəsarət izləri var. Onun həbsi ilə bağlı hallar potensial insan hüquqları və mətbuat azadlığının pozulması ilə bağlı narahatlıqlara səbəb olub.--0--
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz