Bakı/31.01.22/Turan: Azərbaycan Xalq Cümhuriyyətinin (ADR) banisi Məmməd Əmin Rəsulzadənin anadan olmasının 138-ci ildönümü ilə əlaqədar Bakıda "I Beynəlxalq Rəsulzadə Qiraətləri" məqalələr məcmusu dərc edilib. Kitabda 11 ölkədən 40 müəllifin Azərbaycan, rus, türk və ingilis dillərində məqalələri toplanıb. Nəşrin redaktoru və tərtibatçısı tarixçi alim Solmaz Rüstəmova-Tohididir.
Kitab 2020-ci ildə Bakıda keçirilmiş "Rəsulzadə irsi Müstəqillik, Demokratiya və Dövlətçilik dəyərləri sistemində" elmi konfransının iştirakçısı olan müəlliflər tərəfindən yazılmış əsərlərdən hazırlanıb. Bu konfrans günlərində onu hər il keçirmək planlaşdırılırdı, amma pandemiya və bu səbəbdən yaranmış məhdudiyyətlərlə əlaqədar konfransı iki ildə bir keçirmək və onun materiallarını dərc etmək qərarına gəlinib, deyə S.Rüstəmova-Tohidi Turan-a bildirib.
O, Bakıda Rəsulzadənin Ev Muzeyinin açılması üzrə təşkilatçılıq işlərinin nəticələrindən bəhs edib. Muzeyin qurucularının 2019-cu ildə yaradılmış ictimai təşəbbüs qrupunun sədri S.Rüstəmova-Tohidinin sözlərinə görə, Mədəniyyət Nazirliyi ilə iki ildir davam edən danışıqlar nəticə vermir. Beş aydır bu ictimai təşkilatın Milli Məclis və hökumətdən başlayaraq, bir çox dövlət müəssisələrinə göndərdiyi məktublara cavab verilmir. Səbəblərdən biri koronavirusla əlaqədar yaranmış obyektiv çətinliklər, Bakının mərkəzində yerləşən binanın bugünki sahiblərinin hüquqlarıdır.
Ev Muzeyinin Bakı şəhəri, İslam Səfərli küçəsi, 15 ünvanında yaradılması planlaşdırılır. Rəsulzadənin ailəsi Türkiyəyə mühacirət edənə qədər orada yaşayıb.
"Biz M.Ə.Rəsulzadənin ev muzeyinin açılması niyyəti qarşısında dayanan problemlərin müzakirəsi üçün Mədəniyyət Nazirliyinə dəvət edilmişik. Ümidimizi itirmirik", deyə o qeyd edib.
Məmməd Əmin Rəsulzadə Azərbaycanın dövlət xadimi, siyasi və ictimai xadim, jurnalist və dramaturqdur, 1918-ci ildə Azərbaycan Milli Şurasının sədri olub.
O, 1884-cü il yanvarın 31-də Azərbaycanda, Novxanı kəndində anadan olub. 1955-ci ildə Türkiyədə, Ankara şəhərində vəfat edib. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz