Rüfət Səfərov 9 saylı cəzaçəkmə müəssisəsinə köçürülüb
Zərdab rayon prokurorluğunun keçmiş müstəntiqi Rüfət Səfərov yanvarın 6-da istintaq təcridxanasından hüquq-mühafizə orqanlarının keçmiş işçilərinin saxlanıldığı 9 saylı cəzaçəkmə müəssisəsinə köçürülüb. Bu barədə Turan-a onun vəkili Bəhruz Bayramov bildirib.
Onun sözlərinə görə, son günlər istintaq təcridxanasında Səfərovun yanına 25 ilini həbsxanalarda keçirən residivist yerləşdirilib, o, Rüfəti münaqişəyə təhrik etməyə çalışıb.
Vəkil qeyd edib ki, Penitensiar Xidmət rəhbərliyinə müraciətlərdən və bu məsələnin KİV-də geniş işıqlandırılmasından sonra Səfərov nəhayət cəzaçəkmə müəssisəsinə köçürülüb.
* Rüfət Səfərov 2016-cı ilin sentyabrında rüşvət almaq ittihamı ilə 9 il azadlıqdan məhrumetmə cəzasına məhkum edilib, buna qədər isə “davranış normalarını pozduğuna görə” prokurorluqdan xaric edilib. Dekabrın 22-də Apellyasiya Məhkəməsi Səfərov barəsində hökmü qüvvədə saxlayıb.
Onun atası, hakim partiyanın keçmiş fəalı, uzun müddət parlamentin üzvü, sonradan Müdafiə Nazirliyinin mətbuat katibi olan Eldar Sabiroğlu işdən çıxdıqdan sonra Prezident Administrasiyasının rəhbəri Ramiz Mehdiyevi kəskin tənqid etməyə başlayıb, bundan sonra Rüfət Səfərovun da təqibi başlayıb. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz