![Ruhulla Axundzadə və oğlunun aclıq etdiyi bildirilir](https://turan.az/resized/./turan-750-500-resize.webp)
Ruhulla Axundzadə və oğlunun aclıq etdiyi bildirilir
Bakı/19.03.19/Turan: "İslam Partiyası Astara rayon təşkilatının sədri Ruhulla Axundzadə saxlandığı 15 saylı Cəzaçəkmə Müəssisəsində aclıq aksiyasına başlayıb. O, ona qarşı olan qeyri-insani münasibətə, "kars"a (cərimə təcridxanası) salınmasına etiraz əlaməti olaraq bu addımı atıb." Bu barədə Siyasi Məhbusların Monitorinq Mərkəzinin rəhbəri Oqtay Gülalıyev facebook səhifəsində məlumat yayıb.
Onun sözlərinə görə, atasına dəstək olaraq Ruhulla Axundzadənin həbsdə olan oğlu Məhəmmədəli Axundzadə də martın 19-dan aclıq aksiyasına başlayacağını bildirib.
Ruhulla Axundzadə 8 ildir həbsdədir. 2013-cü ildə ürəyindən əməliyyat olunub.
"Axundzadənin səhhətində ciddi problemlər var. Hər gün dərmanlar qəbul edir. Onun "kars"da saxlanması və aclıq aksiyası keçirməsi həyatı üçün təhlükəlidir. Cəzasının çoxunu çəkmiş özünün və oğlunun azadlığa çıxacağı gözlənildiyi halda Ruhulla Axundzadəyə qeyri-insani münasibət göstərib (onun saqqalının qırxılması tələb olunub - red.) "karsa"- a salınması şübhəli və müəmmalıdır", deyə hüquq müdafiəçisi qeyd edib.
Öz növbəsində, Penitensiar Xidmətinin İctimaiyyətlə əlaqələr şöbəsinin rəhbəri Mehman Sadıqov "Amerikanın Səsi"nə bildirib ki, nə Ruhulla Axundzadə, nə də Məhəmmədəli Axundzadə aclıq edəcəkləri ilə bağlı rəsmi müraciət etməyib.
"Bütün məhbuslar qanunvericiliyə uyğun olaraq daxili intizam qaydaları əsasında saxlanılır. Məhbuslar hansısa münasibətdən narazıdırsa Penitensiar Xidmətə şikayət etsinlər, araşdırılsın", deyə Sadıqov qeyd edib.
İslam Partiyasının Astara rayon (Bakıdan 330 kilometr cənubda, İranla sərhəd rayonu) şöbəsinin sədri Ruhulla Axundzadə 2011-ci ilin yanvarında həbs edilib.
Respublika Prokurorluğunun mətbuat xidmətinin məlumatına görə, qanunsuz fəaliyyət göstərən Azərbaycan İslam Partiyasının üzvləri barəsində başlanmış cinayət işi üzrə istintaqın gedişində Milli Təhlükəsizlik Nazirliyinin əməliyyat yolu ilə əldə etdiyi məlumat əsasında 2011-ci il yanvarın 21-də keçirilən əməliyyat-axtarış nəticəsində Ruhulla Axundzadənin yaşadığı evin həyətindəki saxlanc yerindən 4 avtomat, 1 tapança, 3 ədəd patron sandıqcası, 9 əl qumbarası, 10 ədəd "UZRQM" tipli alışdırıcı, 2 trotil şaşkası, 491 patron, 7 ədəd CD formatlı disk və digər predmetler aşkar edilərək götürülüb.
Ağır Cinayətlər Məhkəməsinin hökmü ilə Ruhulla Axundzadə 11 il yarım azadlıqdan məhrum edilib.
Məhəmmədəli Axundzadə 2016-ci ilin aprelində narkotik ittihamı ilə həbs olunub və 5 il azadlıqdan məhrum edilib. Onun həbsi 2015-ci ilin oktyabrında hüquq-mühafizə orqanlarının Bakının Nardaran kəndində keçirdiyi xüsusi əməliyyatdan sonra həbs edilən şəxlərlə bağlı videolar yaymasından sonraya təsadüf edir. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz