Rüstəm İbrahimbəyovun Ramazan bayramı ilə bağlı təbriki
Mübarək Ramazan bayramı münasibətilə Sizi və bütün müsəlman dünyasını səmimi-qəlbdən təbrik edirəm.
 
Artıq xalqımız Ramazan bayramını qeyd etməkdədir. Allahın əziz buyurduğu Ramazan ayı bu gün öz mənəvi səyahətini başa vurur. Bu ayda insan nəfsini, istəklərini kənara qoyaraq yalnız mənəvi aləmə üz tutur.  
 
Öz bərəkəti ilə insanlar arasında mehribanlıq, bərabərlik, birlik və xeyirxahlığı əks etdirən bu gözəl ay çox konfessiyalı və multikulturalist Azərbaycanda bu cəhətdən həmişə bütün dolğunluğu ilə yaşanıb. Sevindirici haldır ki, 70 il dəyərlərindən uzaq salınmağa səy edilmiş xalqımız 1400 illik tarixə malik dini bayramını heç vaxt unutmamış, bu əziz ayı lazımınca yaşamışdır.
 
Bu bayram günündə Allahdan xalqıma xoş günlər, ruzi-bərəkət və əmin-amanlıq diləyirəm.  Qoy qarşılayıb yola saldığımız hər bir Ramazan ayı xalqımıza daha gözəl günlər nəsib etsin. Ümidvaram, mühüm tarixi seçim qarşısında – prezident seçkiləri ərəfəsində olan xalqımız öz müqəddəratını müdriklik və uzaqgörənliklə təyin edəcək, öz taleyinin tamaşaçısından iştirakçısına çevriləcək. İnşallah, yaxın vaxtlarda görüşmək ümidi ilə”.
 
Rüstəm İbrahimbəyov
08.08.2013

Rəy yaz

Cəmiyyət

Bizi sosial şəbəkələrdə izləyin

Xəbər lenti