Açiq mənbələrdən foto.
Bakı/13.03.23/Turan: Saatlı rayon Nabatkənd və Orta Muğan kənd sakinlərinin Bakıdan gələn magistral avtomobil yolunu bağlamağa cəhd etdiyi bildirilir. Sakinlər su problemlərinin olmasına etiraz edirlər.
Yerli sakinlər Turan-a bildiriblər ki, artıq uzun müddətir əkin üçün su verilmədiyinə görə bütün əkinləri yanıb.
"Heç içməyə belə su yoxdur, kanallar boşdur. Dəfələrlə şikayət, xahiş etmişik. Xeyri yoxdur", deyə etirazçılardan biri qeyd edib.
Sakinlərin sözlərinə görə, dövlət orqanları kəndlərə su verilməsi üçün heç bir tədbir görmür.
"Yaxıd da dövlət tərəfindən su maşınları ayrılmır. Suyu camaata pulla satırlar. 15 tonluq suyu 10-20 manata gətirirlər. Bu da bizi hardasa 10 gün görür. 10 gündən bir biz bu boyda pulu verməyə məcbur qalırıq", deyə digər etirazçı bildirib.
Onlar qeyd ediblər ki, aksiya iştirakçılarına polis tərəfindən fiziki güc tədbiq edilib, gözyaşardıcı qazdan və rezin güllələrdən atəş açılıb.
"Xəsarət alanlar və xəstəxanaya düşənlər var. Xəsarət alanların arasında 15 yaşlı uşaq da var".
Daxili İşlər Nazirliyinin Mətbuat Xidmətindən Turan-a bildirilib ki, bu gün saat 14 radələrində Saatlı rayonunun Orta Muğan və Nabatkənd kəndlərinin bir qrup sakini içməli su probleminə öz narazılıqlarını bildirmək məqsədilə magistral avtomobil yolunu bağlamağa cəhd ediblər.
"Əraziyə gələn rayon polis şöbəsinin əməkdaşları, rayon icra hakimiyyətinin və Meliorasiya və Su Təsərrüfatı Açıq Səhmdar Cəmiyyətinin nümayəndələri onlarla izahedici söhbətlər aparıb. Bundan sonra sakinlərin əksəriyyəti geri qayıtsa da, bir qrup şəxs polisin qanuni tələbinə əməl etməyərək ictimai asayişin pozulmasına yönəlmiş qanunsuz hərəkətlərini davam etdirib. Onlar saxlanılaraq rayon polis şöbəsinə gətirilib. Hazırda araşdırmalar aparılır".
Daxili İşlər Nazirliyi aksiya iştirakçılarına atəş açılması ilə bağlı xəbəri qəti təkzib edib. 0
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz