Açiq mənbələrdən foto.
Sabirabadda evdən çıxaraq geri qayıtmamış bacı-qardaşlardan birinin cəsədi Kür çayında tapılıb
Bakı/10.04.21/Turan: Ötən gün Sabirabad rayonun Cəngən kəndində evdən çıxaraq geri qayıtmamış bacı-qardaşlardan birinin cəsədi Kür çayında tapılıb.
20 yaşlı Hüseynli Məryəm Şahin qızının suda boğulmuş cəsədi sahildə ayaqqabıları tapılmış yerdən 15 km aralıda, Sabirabad rayonunun Salmanlı kəndi ərazisində FHN əməkdaşları tərəfindən Kür çayından tapılaraq sudan çıxarılıb və aidiyyatı üzrə hüquq-mühafizə orqanlarına təhvil verilib. Məryəm Hüseynli ilə birlikdə olmuş 5 yaşlı qardaşı Hüseyn Hüseynlinin isə axtarışları davam etdirilir.
Kür çayında boğulmuş bacı-qardaşın atalarının hazırda həbsdə olduğu, Məryəm Hüseynlinin bu yaxınlarda nişanlandığı deyilir.—06D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz