Sabirabadda iki müxalifətçi saxlanılıb
Ötən gün axşam Sabirabadda Müsavat Partiyası rayon təşkilatının sədr müavini Azər İsmayılov saxlanılıb. Hadisə A.İsmayılov ərzaq mağazasından çıxarkən baş verib.
A.İsmayılov prezidentliyə namizəd İsa Qəmbərin seçki qərargahının üzvüdür. O həmçinin fəal sosial şəbəkə istifadəçisidir, rayonda və ölkədə baş verən qanunsuzluqlar barədə ətraflı məlumatlar yayır.
A.İsmayılovun taleyinə aydınlıq gətirmək üçün Xalq Cəbhəsi Partiyası rayon təşkilatının rəhbəri Novruz Quliyev avqustun 14-də səhər rayon polis şöbəsinə gedib və o da orada saxlanılıb.
Müsavat Partiyasının məlumatında deyilir ki, hər ikisini barəsində protokolun tərtib ediləcəyi və məhkəməyə göndəriləcəyi gözlənilir. Onlar uydurma ittihamlarla həbs oluna bilər.
Müsavat Partiyası rayon təşkilatının rəhbəri Yavər Gülməmmədovun polis rəisi ilə görüşmək cəhdləri baş tutmayıb.—06D-
-
- İqtisadiyyat
- 14 Avqust 2013 14:16
-
- Cəmiyyət
- 14 Avqust 2013 14:24
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz