Şahdağda zəvvarlıq

Prezident İlham Əliyev 19 dekabrda “Şahdağ” Qış-Yay Turizm Kompleksində iki yeni «Şahdağ» və «Pik Palace» otellərini açandan sonra buraya yüksək rütbəli məmurlar və biznes rəhbərləri axışmağa başlayıb. Şahidlər deyir ki, «bahalı avtomobillər, xüsusən ciplər o qədər çox olub ki, kurortun girişində tıxac yaranıb». Dövlət və qeyri-dövlət təşkilatlarının nömrələrinin çoxluğu icbari kütləvi yürüşdən xəbər verir.

Rəsmi KİV xüsusi aksentlə xəbər verdi ki, prezident öz ailəsi ilə Azərbaycanda istirahət edir. Kanallar bu dəfə ailəni Alp dağlarında yox, Şahdağda istirahət edərkən göstərdi .

Yeni otelləri «PAŞA Hotels and Resorts» idarə edir. Bu isə zənginləri bir daha bu kurorta xərc qoymağa vadar edir. Hərçənd çoxları Karib və ya İsveçrədə istirahət planlaşdırırdı.

Prezident Əliyev miyard yarım dollar investisiya qoyulan bu kurortun inkişafını nəzarətdə saxlayır və layihədən qürur duyur. 2012-ci ildə o, burda 4 ulduzlu «Zirvə» otelini açmışdı və daha neçə otel açmağı arzu edir.

15 dekabrda “Şahdağ” administrasiyası məlumat verdi ki, bir həftə istirahət yaşlılar üçün 400 manat, uşaqlar üçün (6-11 yaş) – 320 manat olacaq. Bir günlük istirahət yaşlılar üçün 15 manat, uşaqlar üçün 12 manatdır. Bir gün xidmətlərlə birgə 25 manat, iki gün – 21 manat (xidmətlərlə birgə 43 manat), üç gün – 20 manat (60 manat), 4 gün – 19 manat (76 manat), 5 gün – 18 manat (90 manat), 7  gün – 16 manatdır (112 manat). Piyada gəzinti yaşlılar üçün 10 manat, uşaqlar üçün 5 manatdır. Buraya otel qiyməti daxil deyil. Onlar iki yüz manatdan başlayır.

Hazırda «Şahdağ»da xizək inventarı prokatı, xizək məktəbi, tibb məntəqəsi və s obyektlər fəaliyyət göstərir. 4 asma kanat yolu çəkilib. Kanat yolları müxtəlifdir: kreslolu, bəndli, gələcəkdə qondolalı kanat yolu da olacaq.

Təcrübəzislər və yaxşı vərdişi olanlar üçün ayrıca xizək yolları var. Onların hamısına süni qar generatoru ilə xidmət edilir. Bu avadanlıq xizək yollarının yüksək keyfiyyətinə zəmanət verir. —0-