![Heydər Əliyev prospektindəki evlərin sakinlərini səssizcə köçürüblər](https://turan.az/resized/media/2014/main/010500064240-750-500-resize.webp)
Heydər Əliyev prospektindəki evlərin sakinlərini səssizcə köçürüblər
Heydər Əliyev prospektində Heydər Əliyev Mərkəzindən Ağa Nemətulla küçəsinə qədər yerləşən evlərin sakinlərini köçürüblər. Qırxıncı illərin sonlarında tikilən bu evlər söküləcək və onların yerində 8 yeddimərtəbəli bina tikiləcək.
Yataqxana binası istisna təşkil edir. Onun sakinləri ilə danışıqlar gedir.
Köçürülmə sakit və hüquq pozuntusu olmadan baş verib. İki il əvvəl Heydər Əliyev Sarayından Dram Teatrına qədər olan ərazidə söküntü işləri qanun pozuntusu və zorakılıqla müşayiət edilmişdi. Bu, ölkədə və xaricdə güclü tənqidə səbəb oldu. Bundan sonra hökumət «Dövlət ehtiyacları üçün torpaqların alınması haqqında» qanunun icrası üçün 24 fevral 2012-cü ildə köçürmə planının tərtibi və köçürmə haqda təlimat hazırlamalı oldu. Amma bu qərar da “dövlət ehtiyacları üçün” torpaq alınmasında şəffaflığa səbəb olmadı.
Turan-a məlum olub ki, Heydər Əliyev prospektində hər bir ailə ilə fərdi şəkildə kv m, ailə üzvlərinin sayı, evin vəziyyəti nəzərə alınmaqla danışıqlar aparılıb. Standart məbləğ – 1 kv m üçün 1500 manat burda tətbiq edilməyib. Sakinlərə ya pul kompensasiyası, ya da gələcək evdə mənzil təklif edilib. Yeni evlərdə mənzil alanlara hələlik kirayədə qalmaq üçün ayda 300-500 manat veriləcək.
Evlər 2015-ci ilin yazına - 12-28 iyunda keçiriləcək Avropa Olimpiya Oyunlarına qədər hazır olmalıdır.
Bir məsələ aydın deyil, 3 il əvvəl bərpa edilən və yaxşı görkəmi olan binalar niyə sökülür? Bu, şəhərin baş planının olmadığını göstərir. Amma Moskva prospekti Heydər Əliyev prospektinə çevriləndən bütün infrastruktur yaxşılaşdırılıb. Burda inzibati bina və ofislər, Olimpiya kəndi, idman qurğuları tikilir.—0—
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz