Şahidlər Faiq Əmirovun xeyrinə ifadə veriblər � vəkil
Bakı/01.06.17/Turan: Cümə axşamı Səbail rayon məhkəməsində Aytən Əliyevanın sədrliyi ilə "Azadlıq" qəzetinin maliyyə direktoru Faiq Əmirovun işi üzrə istintaq başlayıb.
O, 2016-cı il avqustun 20-də saxlanılıb və CM-in 168.1 (dini ayinlərin icrası adı altında vətəndaşların hüquqlarına qəsd etmə) və 283.2.2-ci (KİV-dən istifadə etməklə dini və milli ədavət salınması) maddələri ilə ittiham olunub.
2017-ci il aprelin 17-də ona qarşı yeni ittihamlar irəli sürülüb: Cinayət Məcəlləsinin 213.1-ci maddəsi (vergidən yayınma) və 308-ci maddəsi (vəzifə səlahiyyətindən sui-istifadə).
Amma ibtidai istintaqın yekunlarına görə 168.1 və 308-ci maddələr ləğv olunub.
Vəkil Aqil Layıcovun Turan-a verdiyi məlumata görə, bu gün ittiham aktı elan edilib. Onun məzmunu "Azadlıq" qəzetinin fəaliyyətinə aiddir və irəli sürülmüş ittihamlar üzrə Əmirovun təqsirinin heç bir sübutu təqdim edilməyib.
Belə ki, istintaq Əmirovun KİV-də hansı formada dini və milli ədavət saldığını açıqlamır.
İstintaq həmçinin iddia edir ki, bu cür materiallar Əmirovdan götürülən disklərdə olub. Amma 283.2.2-ci maddəyə əsasən, konkret ədavət hallarına gətirib çıxarmayıbsa, KİV-dəki nəşr öz-özlüyündə cinayət məsuliyyəti doğuran əməl hesab olunmur.
İkincisi, belə bir nəşr olmayıb. Üçüncüsü, diskin içində nə olduğu açıqlanmır. İstintaq sədəcə olaraq iddia edir ki, orada konstitusiya quruluşunun dəyişdirilməsinə və dini nizam-intizam qurulmasına çağırışlar var.
Müdafiə tərəfi diskə baxılması haqqında vəsatət qaldırıb, amma məhkəmə vəsatətə baxmayıb.
Vəkillər həmçinin Əmirovun Fətullah Gülənin imamı olduğu barədə ittihamı araşdırmağı təklif ediblər.
Amma məhkəmədə vergi ödənişindən yayınma haqqında ittihamla bağlı şahidlər dindirilib.
"Şahidlər Əmirovun xeyrinə ifadə veriblər. Bu, mətbuat yayım firmalarının nümayəndələri idi. Onlar deyiblər ki, firmalar hər nüsxənin 40%-ni özlərinə saxlayır, qalanını redaksiyaya verirdilər. Yəni onlar ümumi tiraj məbləğindən çap və yayım xərcləri nəzərə alınmadan redaksiyaya vergi hesablanmasının əsassız olduğunu təsdiq ediblər.
Bundan başqa, firma nümayəndələri bildiriblər ki, bütün tiraj satılmırdı. Yəni vergi orqanları maksimum satış hesablayıblar", deyə Layıcov qeyd edib.
Ümumilikdə redaksiyaya 39 min manat məbləğində vergi borcu hesablanıb. Müdafiə tərəfi bu ittihamı təkzib edir. Bu zaman ittiham "Qasid" dövlət firmasının redaksiyaya 70 min manata yaxın borcu olduğunu nəzərə almayıb.
Məhkəmənin növbəti iclası iyunun 5-nə təyin edilib. -06B-
-
- İqtisadiyyat
- 1 İyun 2017 15:48
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz