Salyanda fəaliyyət göstərən “Demokratiyaya yardım” QHT-nin rəhbəri Emil Məmmədov Salyan rayon icra hakimiyyəti başçısı Tahir Kərimov tərəfindən təqib edilməsi ilə bağlı prezident İlham Əliyevə və DİN rəhbəri Ramil Usubova müraciət edib.
Məmmədov rayonda mənfi hallar və yerli hakimiyyətin büdcə vəsaitlərindən sui-istifadəsi haqqında prezident administrasiyasına şikayət etdikdən sonra təqib edilməyə başlayıb.
Bundan sonra təkcə Məmmədova deyil, həmkarlarına qarşı da təzyiq başlayıb. Belə ki, aprelin 4-də QHT üzvü Tofiq Qasımov saxta xuliqanlıq ittihamı ilə həbs edilib.
Bundan başqa, müxtəlif büdcə təşkilatlarının nümayəndələri rayon polisinə çağırılır və onlara Məmmədova və Qasımova qarşı ifadə alınması üçün təzyiq göstərilir.
Məmmədov hesab edir ki, onu və həmkarlarını vətəndaş fəallığına və rayonda mənfi halları tənqid etdiyinə görə təqib edirlər.
Məmmədov prezidentdən və DİN rəhbərindən yerli vətəndaş cəmiyyəti fəallarına qarşı təzyiqlərə son qoyulmasına köməklik göstərilməsini xahiş edir. -06D-
Cəmiyyət
-
Cinayət tərkibinin əlamətləri olmayan məişət zorakılığı barədə şikayətə baxılması qaydası müəyyənləşdirilib. Prezident İlham Əliyev bununla bağlı "Məişət zorakılığının qarşısının alınması haqqında" qanuna dəyişikliyi təsdiqləyib.
-
Bu gün, yanvarın 27-də Avropa Şurası Parlament Assambleyasının (AŞPA) qız sessiyası başlayır. Ötən həftə (yanvarın 21-də) bir qrup beynəlxalq insan haqları qurumları AŞPA-nı Azərbaycan nümayəndə heyətinin mandatını bərpa etməməyə, yaxud bunu "aydın" şərtlərlə etməyə çağırıb. "Azərbaycanın vətəndaş cəmiyyəti, müstəqil media və siyasi narazıların artan repressiyası Avropa Şurasının dəyərlərini pozmaqdadır. Azərbaycan beynəlxalq mexanizmlərlə israrla əməkdaşlıq etmir, sistematik insan haqları pozuntularını aradan qaldırmır", - AŞPA-ya məktubda deyilir.
-
Yanvarın 31-dək sənədlərini Səhiyyə Nazirliyinə təqdim etməyən plastik cərrahların şəhadətnamələri ləğv ediləcək. Bu barədə yanvarın 27-də Səhiyyə Nazirliyi məlumat yayıb.
-
Yanvarın 28-də Bakıda və Abşeron yarımadasında hava dəyişkən buludlu olacaq, gündüz yarımadanın bəzi yerlərində az çiskinli olacaq. Gecə və səhər bəzi yerlərdə arabir duman olacaq. Mülayim cənub-şərq küləyi əsəcək. Gecə 3-6, gündüz 7-11 dərəcə isti olacaq.
Rəy yaz