Baş Prokurorluq LGBT nümayəndələrinə qarşı reydlər barədə məlumata düzəliş yayıb. Düzəlişdə qeyd olunur ki, "saxlanılan şəxslərdən heç kim hazırda həbsdə deyil".
Hüquq-mühafizə orqanlarındakı mənbə bildirib k, 56 nəfər inzbati qaydada həbs edilmişdi. 32 nəfərdə yoluxucu xəstəlik aşkar edilib və onlar müalicəyə göndərilib. Qalan 24 nəfərdə xəstəlik aşkar olunmayıb və onlar azad ediliblər. Beləliklə, həbsdə qalan yoxdur.
* * *
2017 Oktyab 02 (Bazar ertəsi) 18:53:14
DİN və Baş Prokurorluq LGTB-yə qarşı reydlər haqqında
Bakı/02.09.17/Turan: DİN və Baş Prokurorluq birgə məlumatlarında ölkədə cinsi azlıqların təqibi haqqında iddiaları təkzib edib.
Vətəndaşların çoxsaylı müraciətləri əsasında aparılan araşdırma zamanı müəyyən olunub ki, paytaxtın Nəsimi, Nərimanov, Səbail və Yasamal rayonlarında bir qrup insan yerli vətəndaşlara və xarici turistlərə pullu intim xidmətlər təklif edir, "bu xidmətlərdən imtina edənləri təhqir edir və onları münaqişəyə cəlb etməyə çalışır, bununla da ictimai asayişi pozurdu", deyə məlumatda bildirilir.
Bu şəxslərin aşkar edilməsi və onların dəri-zöhrəvi xəstəliklərinin olub-olmadığının müəyyən edilməsi üçün sentyabrın 15-dən 30-na qədər polis əməkdaşları 83 nəfər saxlayıb. Bu şəxslər barəsində İnzibati Xətalar Məcəlləsinin 510 (kiçik xuliqanlıq) və 535.1-ci (polis əməkdaşının qanuni tələbinə qəsdən tabe olmama) maddələri ilə protokollar tərtib edilib və məhkəmələrə göndərilib.
56 nəfər inzibati qaydada həbs edilib. 18 nəfər cərimə edilib, 9 nəfərə xəbərdarlıq edilib.
Həbs edilən 32 şəxs müayinə üçün dəri-zöhrəvi dispanserlərinə göndərilib və onların hamısında müxtəlif zöhrəvi və infeksiya xəstəlikləri: 6 nəfərdə QİÇS, 6 nəfərdə HİV, 16 nəfərdə sifilis, 2 nəfərdə kəskin uretrit və 2 nəfərdə hepatit C virusu (HCV) aşkar edilib.
DİN və Baş Prokurorluq reydlər zamanı cinsi azlıqların qəsdən təqib edildiyi barədə iddiaları təkzib edib.
"Bu tədbirlərin məqsədi ictimai asayişi pozan şəxslərin müəyyən edilməsi və məsuliyyətə cəlb edilməsi, həmçinin ciddi nəticələrə gətirib çıxara biləcək zöhrəvi infeksiya xəstəliklərinin yayılmasının qarşısının alınmasıdır", deyə məlumatda bildirilir. -06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz