Saxta qızıl əvəzində 350 minlik dələduzluq

Ölkə prokurorluğu külli miqdarda dələduzluq faktının üstünü açıb. Bu haqda ölkə prokurluğunun mətbuat xidməti bildirir.

Xəbərə görə dələduzluq faktı Milli Təhlükəsizlik Nazirliyindən (MTN) daxil olmuş material əsasında aparılıb. Baş prokuror yanında Korrupsiyaya qarşı Mübarizə Baş İdarəsinin araşdırması nəticəsində faktlar təsdiqlənib.

Araşdırma nəticəsində “Atrabank” ASC-nin “Bakı” filialının vəzifəli şəxsləri bankdan kredit və nağd şəkildə pulları çıxarmaq üçün Səbail rayonundakı lombardın işçisi Yasəmən Abdullayevanın vasitəsilə edib. Belə ki, Y.Abdullayeva vasitəsilə saxta qızıl məmulatlarını 2011-ci ildən etibarən müxtəlif vaxtlarda banka girov qoymaqla 350 min manat məbləğində özgə əmlakı dələduzluq yolu ilə ələ keçirlib.

Faktla bağlı cinayət məcəlləsinin 178.3.2 (dələduzluq, külli miqdarda ziyan vurmaqla törədildikdə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanıb.İş üzrə zəruri istintaq tədbirləri davam etdirilir. -03D-