Mahir Ələkbərov
Sayt rəhbərlərinə qarşı cinayət işləri
Bakı/21.10.21/Turan: “Azadinfo.az” MMC-nin təsisçisi Mahir Ələkbərovun cinayət işinin istintaqı yekunlaşdırılıb. O, sentyabrın 8-də Yeni Azərbaycan Partiyasının Binəqədi rayon təşkilatının sədri vəzifəsini icra edən Ramiz Göyüşovun şantaj edilməsi haqqında iş üzrə saxlanılıb.
Ələkbərov Göyüşovu barəsində qeyri-etik videogörüntüləri dərc etməklə şantaj edərək, pul tələb edirdi. Göyüşov pul verməkdən imtina etdikdən sonra videogörüntülər azadliq.info saytında yerləşdirilib.
Ələkbərov yenidən Göyüşovu görüşə çağırıb və videonu silmək üçün 2 min manat tələb edib. Pulu alarkən Ələkbərov saxlanılıb. Ona qarşı Cinayət Məcəlləsinin 182.1 (hədə-qorxu ilə tələb etmə) maddəsi ilə ittiham irəli sürülüb.
İş baxılması üçün Nəsimi Rayon Məhkəməsinə göndərilib.
Göyüşova gəlincə, o, pornovideo izləyərkən videogörüntüləri çəkildiyi üçün "təşkilatı nüfuzdan saldığına" görə partiyadan xaric edilib.
Bu arada, Baş Prokurorluq daha bir saytın - cia.az saytının təsisçisi Asəf Novruzovun və bu saytın əməkdaşı Maqsud Səfərovun saxlanıldığı barədə məlumat yayıb.
Onlar dövlət idarələrinin, müəssisə və təşkilatların rəhbərlərini şantaj etməklə pul tələb etməkdə ittiham olunurlar. Hər ikisinə qarşı CM-in 182.2.1 (pul tələb etmə, bir qrup şəxs tərəfindən törədildikdə) və 182.2-ci (pul tələb etmə, təkrarən törədildikdə) maddələri ilə ittiham irəli sürülüb. Məhkəmə onlar barəsində həbs qətimkan tədbiri seçib. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz