Bakı/11.04.18/Turan: Adının çəkilməsini istəməyən gənc jurnalistlərdən biri aprelin 11-də 25 saylı Nizami 2-ci seçki dairəsində çəkiliş apararkən məntəqə seçki komissiyası rəhbərinin hücumuna məruz qalıb. Meydan.tv şahidlərdən birinin çəkdiyi videonu yayıb.
İnsidentdən öncə jurnalist komissiya rəhbərindən səs verənlərin sayı barədə soruşur. O isə cavabında "son 1 saat 20 dəqiqədir ki, fəallıq artıb, gələnlərin ardı-arası kəsilmir" söyləyir. Ancaq oradakılar dəqiq məlumatın olmadığını deyirlər. Bundan sonra yaşlı bir kişi qızın qolundan dartaraq onu bayıra çıxarmağa çalışır. Sonradan digər bir nəfər ona qoşularaq qızın o biri əlindən tutub dartır.
Bu hərəkətlər CM-in 163-cü maddəsinin pozulmasıdır. Buna görə cərimə və ya azadlıqdan məhrumetmə cəzası nəzərdə tutulur.
Qeyd edək ki, günortadan sonra MSK sədri Məzahir Pənahov səsvermə zamanı heç bir pozuntuya yol verilmədiyini bildirib.
Bundan əlavə, sosial şəbəkələrdə səsvermə zamanı saxtalaşdırmalar, "karusel"lər və s. pozuntulara dair çoxsaylı videolar yayılır.-03D-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz