Bakı/11.04.18/Turan: "Azərbaycanda keçirilən seçkilərdəki "ənənəvi saxtakarlıqlar" indiki prezident seçkilərində də müşahidə olunur", - prezidentliyə namizəd Sərdar Cəlaloğlunun Mərkəzi Seçki Qərargahının sədri Taliyət Əliyev Turan-a bildirib.
"Karusel əməliyyatı", əsas siyahının bir kənarda qalaraq alternativ siyahıdan istifadə olunması, bir nəfərin bir neçə dəfə səs verməsi, müşahidəçilərin seçki məntəqələrinə buraxılmaması kimi saxtakarlıqlar təkrarlanır.
T.Əliyev deyib ki, Sabunçu rayonundakı məntəqələrin komissiya üzvləri müşahidəçiləri seçki məntəqələrinə buraxmayıblar: "Mərkəzi Seçki Komissiyası həmin şəxsləri müşahidəçi olduqları üçün lövhəciklə təmin edib. Buna baxmayaraq, məntəqə komissiyasının üzvləri onların məntəqələrə buraxılmamasına əsas kimi Dairə Seçki Komissiyasının (DSK) icazəsinin olmamasını göstərib".
Onun sözlərinə görə, səlahiyyətinə görə DSK MSK-dan aşağı olsa da özündən yuxarı oqranın qərarının əksinə gedir.
Digər tərəfdən, indiki seçilərdə fəallıq çox aşağıdır, elə seçki məntəqələri var ki, cəmi 4-5 nəfər səsverməyə gəlib.
Demokrat Partiyasının sədri S.Cəlaloğlu prezidentliyə namizədliyi qeydə alınan 8 nəfərdən biridir. --0--
Siyasət
-
Dekabrın 23-də Rusiya prezidenti Vladimir Putin Azərbaycan prezidenti İlham Əliyevə doğum günü münasibətilə təbrik göndərib. Məktubda deyilir:
-
ABŞ səfirliyi bu ölkəni yenidən qeyri-diplomatik ifadələrdən istifadə edərək antiazərbaycan siyasətində ittiham edən "Həftə" proqramının müəllifinə cavab verib.
-
23 dekabr 2024-cü il tarixində Azərbaycan Respublikasının xarici işlər naziri Ceyhun Bayramov Serbiya Respublikasına işgüzar səfəri çərçivəsində bu ölkənin prezidenti Aleksandar Vuçiç ilə görüşüb.
-
Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa aviareyslərin açılması, iqtisadi inkişaf və energetika üzrə işi gücləndiririk", - Curiç deyib.
Rəy yaz