Seçkilərdə saxtakarlıqlar haqqında video yayan kənd məktəbinin müəllimini həbs ediblər
Bakı/23.05.20/Turan: Növbədənkənar parlament seçkilərində saxtakarlıqlarla bağlı video yayan Yardımlı rayonunun Dəlləkli kənd orta məktəbinin müəllimi Cəlil Zabidov həbs olunub. Mayın 21-də Yardımlı Rayon Məhkəməsi D18 Hərəkatının üzvü olan Zabidovu CM-in 221.1 (xuliqanlıq) maddəsi ilə təqsirli bilərək, 5 ay müddətinə həbs edib. Bu barədə onun ailə üzvləri məlumat verib.
Onların sözlərinə görə, rayondakı korrupsiya halları, məmur özbaşınalıqları haqda materialların yayımına görə C.Zabidov çoxdan Yardımlı Rayon İcra Hakimiyyətinin rəhbərliyini qıcıqlandırırdı. Fevralın 9-da keçirilən parlament seçkilərində müşahidəçi olduğu seçki məntəqəsindəki pozuntu hallarını ictimailəşdirməsi məmurların "səbr kasasını" daşırıb. Seçkilərdən dərhal sonra ona qarşı cinayət işi açılıb.
O, 72 saylı Yardımlı-Masallı seçki dairəsinin 1 saylı məntəqəsində müşahidəçi idi. Saxtakarlıqları çəkdiyinə görə Zabidovu döyüblər. O, bu videonu da yayıb. Növbəti gün seçki məntəqəsində olanlardan biri gəlib onu döyüb, qolunu sındırıb. Amma son nəticədə Zabidovun özünü xuliqanlıqda ittiham ediblər.
Cəlili döyəni isə zərərçəkmiş kimi tanıyıblar. Məhkəməyə də yalançı şahid gətirib Cəlilə böhtan atıblar", deyə Zabidovun yaxınları bildiriblər.
35 yaşlı Zabidov Yasamal rayon sakini Hamlet Əməşova qarşı xuliqanlıqda ittiham edilir. Fəalın ailəsi hesab edir ki, o, rayon rəhbərliyinin sifarişi ilə həbs edilib.
"İcra başçısı ona xəbər göndərmişdi ki, əgər özünü yığışdırmasa, onun üçün pis olacaq. Ümumiyyətlə, rayonda hamının başına eyni cür oyun açırlar. Cəlilin üç azyaşlı uşağı var, indi onlar necə dolansın? Sözün düzünü deyənə bu qədər haqsızlıq olarmı?", deyə Zabidovun ailə üzvü bildirib.
Zabidovun materialları daha çox "Korrupsiyaya yox de" səhifəsində yayımlanırdı.
Yardımlı Rayon İcra Hakimiyyətindən Zabidovun həbsində rayon rəhbərliyinin heç bir rolu olmadığını iddia ediblər. Eyni zamanda əlavə ediblər ki, C.Zabidov "həqiqətə uyğun olmayan materiallar yayırdı".
Bu zaman Heydər Əliyev Fondu tərəfindən rayondakı 2 saylı Körpələr evi-Uşaq bağçasına ayrılmış yardımın mənimsənilməsi haqqında materiala görə icra başçısının müavini Mahir Mirzəyev C.Zabidovu məhkəməyə verib.
Eyni zamanda rayon icra hakimiyyəti başçısının birinci müavini Azər Xamiyev Zabidova qarşı xüsusi ittiham qaydasında iddia qaldırıb.
Şərəf və ləyaqətin təhqir edilməsinə görə hər biri müəllimdən 15 min manat təzminat tələb edir.
Yerli fəallar rayonda korrupsiya, rüşvətxorluq, məmur özbaşınalığı ilə bağlı problemləri tənqid edən Zabidovun təqibini əsassız hesab edirlər.
Qeyd edək ki, 72 saylı Yardımlı-Masallı seçki dairəsindən Musa Qasımov deputat seçilib. -06D-
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz