Rusiya və ABŞ arasında Qarabağ nizamlanması məsələsində daha çox pozitivlik var - Ryabkov
Bakı/23.05.20/Turan: Dağlıq Qarabağ nizamlanması Moskva və Vaşinqton arasında səmrəli dialoqun olduğu formatlardan biridir. Bu barədə mayın 22-də A.M.Qorçakov adına İctimai Diplomatiyaya Dəstək Fondu tərəfindən təşkil edilmiş Rusiya-Amerika münasibətlərinin hazırki vəziyyətinə və perspektivlərinə həsr edilmiş onlayn müzakirələr zamanı Rusiyanın xarici işlər nazirinin müavini Sergey Ryabkov bildirib.
Rusiya-Amerika münasibətlərinin vəziyyətindən danışan Rusiyalı diplomat ABŞ-ı Açıq Səma Müqaviləsindən çıxmaq niyyətinə görə tənqid edib və qeyd edib ki, Moskvanın Vaşinqtonla münasibətlərinin hazırki perspektivləri ürəkaçan deyil. Bununla əlaqədar EADaily-nin müxbiri Sergey Ryabkovdan Rusiya-Amerika münasibətlərinin "Qarabağ kontekstini" şərh etməsini xahiş edib, belə ki, Fransa ilə yanaşı, hər iki ölkə Dağlıq Qarabağ münaqişəsinin nizamlanması üzrə ATƏT-in Minsk Qrupunun həmsədridir.
"Bu dialoqda hansısa qığılcımlanma mənbələrindən daha çox pozitivlik var. ATƏT-in Minsk Qrupu formatında iş davam etdirilir, biz bu formata dəyər veririk. İrəliləyiş əldə edilməsi üçün kollektiv şəkildə müəyyən edilən istiqamətdə israrlı işi davam etdiririk", deyə Rusiyanın xarici işlər nazirinin müavini bildirib. -0-
-
- Cəmiyyət
- 23 May 2020 16:35
Siyasət
-
Mayın 10-da dövlət başçısı Şuşaya gəlib, burada tikinti və bərpa işləri ilə tanış olub. Əliyev birinci yaşayış kompleksinin açılışında iştirak edib və şəhərə köçmüş ilk sakinlərlə söhbət edib.
-
Mayın 10-da Almatıda Qazaxıstan XİN-in vasitəçiliyi ilə Azərbaycan və Ermənistan XİN başçılarının görüşü başlayıb.
-
Bu gün Bakı Apellyasiya Məhkəməsi "Abzas Media-nın işi" üzrə qaçaqmalçılıqda ittiham olunan jurnalist Elnarə Qasımovanın ev dustaqlığına buraxılmasından imtina ilə bağlı şikayəti təmin etməyib.
-
Mayın 10-da ABŞ-ın Azərbaycandakı səfiri Mark Libbi bu yaxınlarda ev dustaqlığına buraxılan doktor Qubad İbadoğlu ilə görüşüb.
Rəy yaz