Bakı/18.12.18/Turan: Dekabrın 18-də şəhid ailələrinin 50-yə yaxın nümayəndəsi Şəhidlər Xiyabanında toplaşıb. Tədbir iştirakçılarından biri olan Məhəbbət Qocayevanın sözlərinə görə, aksiya iştirakçıları üzlərinə üzərində "Sus" yazılan qara maska taxaraq Şəhidlər Xiyabanına gəliblər.
Bununla onlar dekabrın 11-də aksiya zamanı şəhid ailəsi nümayəndəsi Toğrul Qocayevin 30 günlük həbsinə etiraz ediblər. O, guya polisə tabe olmamaq ittihamı ilə 30 günlük həbs edilib.
Aksiya iştirakçıları Qocayevin azad edilməsini tələb ediblər, bundan sonra dağılıblar.
Bu ilin yazında prezident İlham Əliyev 1991-97-ci illərdə Azərbaycanın ərazi bütövlüyünün müdafiəsi uğrunda döyüş əməliyyatlarında həlak olanların və ya itkin düşənlərin ailələrinə 11 min manat ölçüsündə birdəfəlik təzminat ödənilməsi haqqında sərəncam imzalayıb. Təzminatların ödənilməsinə oktyabrın 9-dan başlanılıb. Amma bir çox ailələrə keçmişdə vəsait almaları bəhanəsi ilə təzminat ödənilməsindən imtina edilib. Narazı vətəndaşlara məhkəmələrə müraciət etməyi tövsiyə edirlər. Amma şəhid ailəsi məhkəməyə müraciət etmək üçün dövlət orqanlarından rəsmi imtina cavabı almalıdır, onlara yazılı sənəd isə verilmir.
"Azərsığorta" dövlət şirkətindən iddia edirlər ki, 1990-cı illərdə hərbi qulluqçuların icbari sığortası haqqında qanun çərçivəsində bəzi ailələrə təzminat ödənilib. O vaxtki təzminatların məbləği 50-200 min denominasiya olunmamış manat təşkil edirdi, bu da hazırki 10-40 manata bərabərdir. -06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz