Bakı/24.04.19/Turan: 1 saylı İnzibati-İqtisad Məhkəməsi Turan İnformasiya Agentliyinin Nazirlər Kabinetinə 26 sentyabr 2018-ci il tarixli informasiya sorğusuna cavab verilməməsi ilə bağlı iddiasını təmin etməyib.
Bu, agentliyin Nazirlər Kabinetinə müraciətindən 7 ay sonra ilk iclas idi. "İnformasiya azadlığı haqqında" qanuna əsasən, sorğuya 7 gün ərzində cavab verilməlidir.
Hakim Miminət Hacıbəyova qərarını oxuyarkən agentliyin iddiasının təmin edilməsindən imtinanın səbəbini izah etməyib və faktiki olaraq, qanun pozuntusuna bəraət qazandırıb.
Aprelin 24-də o, Turan İnformasiya Agentliyinin Qaçqınların və Məcburi Köçkünlərin İşləri üzrə Dövlət Komitəsinə qarşı 26 sentyabr 2018-ci il tarixli informasiya sorğusuna cavab verilməməsi ilə bağlı iddiasını da təmin etməyib.
İnformasiya sorğuları 1994-cü ilin aprelində Qarabağ müharibəsində qəhrəmancasına həlak olmuş İmanverdi Zabidovun ailəsinin çəkdiyi əziyyətlər haqqında məqalə əsasında tərtib edilmişdi. 1993-cü ilin payızında Sumqayıtda ona verilmiş mənzili Qubadlı rayonundan olan qaçqınlar zəbt etmişdi, şəhid ailəsi isə mənzilsiz qalmışdı. Qanuni hüquqların bərpası uğrunda mübarizə 25 il davam edib.
Amma, qeyd etmək lazımdır ki, yenə Zabidovların işini nəzarəti altına götürən və Sumqayıt icra hakimiyyətinə müvafiq tədbirlərin görülməsi zərurəti haqqında məktub göndərən Nazirlər Kabinetinin yardımı ilə hüquqi nöqteyi-nəzərdən ədalət bərpa olunub.
Aprelin 25-də qaçqınların boşaltdığı mənzilin açarları şəhidin həyat yoldaşı Nailə Zabidovaya təqdim edilib. Qaçqınlara yeni tikilmiş binada yeni mənzil verilib. Amma məlum olub ki, Zabidovların mənzili qəza vəziyyətindədir və dövlətin dəstəyi olmadan onu yaşamaq üçün yararlı vəziyyətə gətirmək, demək olar ki, mümkün deyil. Agentlik bu işin məntiqi sonuna çatdırılacağına və Zabidovlar ailəsinin layiqli mənzilə köçə biləcəyinə ümid edir.
Zabidovların qaçqınların tərk etdiyi mənzilinin fotoşəkilləri.
Zabidovlar ailəsinin misli görünməmiş - qaçqının onun torpaqlarının işğaldan azad edilməsi uğrunda həlak olan şəxsin ailəsinin mənzilini zəbt etməsi problemi aşağıdakı məqalələrdə işıqlandırılıb:
http://www.turan.az/ext/news/2018/9/free/Social/az/75167.htm
http://www.turan.az/ext/news/2018/10/free/Social/az/75771.htm
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz