Səhiyyə Nazirliyi Şirvanda 6 nəfər ağır yaralı olduğunu bildirib

Şirvan şəhər xəstəxanasına "Araz" döyüş sursatları zavodunda baş vermiş partlayış nəticəsində xəsarət almış 6 nəfər gətirilib. Onların vəziyyəti ağır olaraq qiymətləndirilir, hələlik həlak olanlar haqqında məlumat yoxdur, deyə mənbə bildirib.

Yerli hakimiyyət zavod yaxınlığında yerləşən evlərdən insanların təxliyyə olunduğunu bildirir. Partlayış yerində yanğın və mərmi partlayışları davam edir. -02В-

* * *

Çərşənbə axşamı saat 15 radələrində Şirvan şəhərində (Bakıdan 120 km qərbdə) hərbi zavodda güclü partlayış baş verib.

Tezliklə bu məlumat və hadisə yerindən videogörüntülər sosial şəbəkələrdə yayılıb.

Hakimiyyət hələlik hadisə ilə bağlı şərh vermir. Zərərçəkmişlər, partlayışın səbəbləri və miqyası haqqında məlumat yoxdur. Hələ ki, qəzanın baş verdiyi müəssisənin adı da məlum deyil.

Amma videokadrlardan göründüyü kimi, partlayış çox güclü olub, qara dumanlar bir neçə kilometr məsafədən görünür.

Səhiyyə Nazirliyi zərərçəkmişlərə yardım üçün helikopterlərlə Şirvana həkim briqadaları göndərib. Zərərçəkmişlərin sayı və xəsarət dərəcəsi hələlik məlum deyil, bu barədə Turan-a Səhiyyə Nazirliyindən bildiriblər. Amma Bakıdan həkim briqadalarının göndərilməsindən görünür ki, zərərçəkmişlərin sayı çoxdur. -02В-