Bakı/12.06.17/Turan: Ötən həftə Sumqayıtda zəhərlənən 119 uşaqdan 50-i hələ də xəstəxanadadır. Onların müalicəsi davam edir. Bu barədə Səhiyyə Nazirliyinin mətbuat xidmətinin rəhbəri Liya Bayramova bildirib.
Uşaqlar qusma, diareya və hərarətlə xəstəxanaya yerləşdirilib.
L.Bayramovanın sözlərinə görə, zəhərlənmənin səbəbi bu gün laborator araşdırmaların nəticələrindən sonra məlum olacaq.
Ötən həftə 2-7 yaş arasında 119 uşaq zəhərlənmə əlaməti ilə Sumqayıt uşaq xəstəxanasına daxil olub.
Bunlar əsasən Sumqayıt, Hacı Zeynalabdin Tağıyev, Ceyranbatan, Novxanı və Saray qəsəbələrindən olan uşaqlardır.
Yerli sakinlər ehtimal edirlər ki, onlar sudan zəhərləniblər.
Ancaq "Azərsu" şirkəti bunu inkar edir.-06D--
Cəmiyyət
-
Tanınmış jurnalist Mayis Əlizadə martın 6-da səhər saatlarında İstanbulda qəfil ürək tutmasından vəfat edib. O Türkiyə barədə analitik təfəkkürü, bu ölkənin tarixi və siyasəti ilə bağlı dərin biliyi ilə tanınan jurnalist və tərcüməçi idi.
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
Rəy yaz