Şəkidə altı yaşlı oğlan qızılcadan vəfat edib
Şəkidə altı yaşlı oğlan qızılcadan vəfat edib
Bakı/06.01.24/Turan: Yanvarın 6-da Şəki rayonunda altı yaşlı oğlan uşağı qızılcadan vəfat edib.
Tibbi Ərazi Bölmələrini İdarəetmə Birliyinin məlumatına görə, Şəki rayonunun Sarıca kənd sakinləri iki azyaşlı qardaş qızılca xəstəliyi diaqnozu ilə xəstəxanaya daxil olub.
“Pnevmoniya ilə ağırlaşmış qızılca diaqnozu qoyulan azyaşlı gecə saatlarında intubasiya olunaraq süni tənəffüs aparatına qoşulub, bütün reanimasyon və intensiv terapiya tədbirlərinə baxmayaraq, yanvarın 6-da uşaq ağciyər-ürək çatışmazlığından vəfat edib”, - məlumatda qeyd edilir.
TƏBİB bildirib ki, digər uşağa təcili yardım bölməsində ixtisaslı həkim müayinələri, laborator analizləri və tibbi yardımlar göstərilib, xəstə orta ağır stabil vəziyyətdə təcili yardım briqadası ilə Bakıdakı tibb müəssisəsinə təxliyə olunub.
TƏBİB qeyd edib ki, uşaqların peyvəndə cəlb olunmasının zəruriliylə əlaqədar Şəkinin Sarıca kəndinin tibb məntəqə rəhbəri uşaqların ailə üzvlərilə dəfələrlə profilaktik söhbətlər aparıb, ancaq valideynlər peyvənddən imtina ediblər və bu barədə izahatları da alınaraq sənədləşdirilib.
Xatırladaq ki, son aylarda ölkədə qızılca xəstəliyinə yoluxma halları artıb. Xəstələrin rəsmi statistikası açıqlanmasa da, qeyri-rəsmi məlumatlara görə, bir neçə yüz nəfər yoluxub. Daha öncə qızılcadan ən azı beş nəfər ölüb.-03B06-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz