Şəkidə Penitensiar Xidmətin 4 əməkdaşı avtomobil qəzasında ölüb.
Turan-ın bölgə müxbirinin məlumatına görə, mərhumların cəsədləri Şəki rayon xəstəxanasının meyitxanasındadır. Meyitxananın qarşısına çoxsaylı insan toplaşıb.
Avtomobil qəzası avqustun 26-da saat 23:00 radələrində Şəki-Qax avtomobil yolunun 15-ci kilometrində baş verib. Toydan qayıdarkən OPEL markalı minik avtomobili idarəetməni itirib və dərəyə yuvarlanıb. Avtomobildə olan Penitensiar Xidmətin 4 əməkdaşının hamısı ağır xəsarətlər nəticəsində yerindəcə dünyasını dəyişib.
Öz növbəsində Şəki rayon polis şöbəsindən Turan-a bildirilib ki, baş verən hadisə ilə bağlı araşdırma aparılır, müstəntiq hadisə yerindədir. Qəza nəticəsində Elşən Əlizadə, Asif Səbiyev, Araz Abdullayev və Seymur Mustafayev həlak olublar. -0-
Cəmiyyət
-
Tanınmış jurnalist Mayis Əlizadə martın 6-da səhər saatlarında İstanbulda qəfil ürək tutmasından vəfat edib. O Türkiyə barədə analitik təfəkkürü, bu ölkənin tarixi və siyasəti ilə bağlı dərin biliyi ilə tanınan jurnalist və tərcüməçi idi.
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
Rəy yaz