![David Galstyan](https://turan.az/resized/media/2023/main/080300065069-750-500-resize.webp)
David Galstyan
Separatçıların rəhbərliyi arasında Azərbaycanla əməkdaşlıq etmək istəyi artır
Bakı/03.08.23/Turan: Qarabağda erməni əhalinin yaşadığı hissədəki müxalifətyönlü dairələrdən gələn məlumatlara görə, separatçıların rəhbərliyi arasında Azərbaycanla əməkdaşlıq etmək istəyi artır. Ancaq bu istəyin əhalidən gizlədildiyi bildirilir. Bəziləri hesab edirlər ki, hakim komanda xalqı Azərbaycanla inteqrasiya səylərinə sövq etmək üçün humanitar böhranı qəsdən daha da ağırlaşdırır.
Qondarma parlamentin "Ədalət" fraksiyasının üzvü David Qalstyan iddia edir ki, hazırkı rəhbərlik, o cümlədən "Qarabağ prezidenti" adlanan Araik Arutyunyan məsuliyyətli dövlət idarəçiliyindən daha çox biznes maraqlarına diqqət yetirir. Qalstyan onları addım-addım Azərbaycana güzəştə getməkdə, Ağdam yolundan qazanc imkanı kimi istifadə etməkdə günahlandırır.
Qalstyan hazırkı rəhbərliyin kənarlaşdırılmasına çağırır və hesab edir ki, onların hərəkətləri regionu Azərbaycanın tələblərini qəbul etməyə doğru aparır.
İnqilab Partiyasının rəhbəri və qarabağlı müxalifətçi Artur Osipyan daha uzağa gedərək rəhbərliyi "satqınlar" adlandırır və güman edir ki, bəzi şəxslər münaqişə zamanı öz hərəkətlərinə görə Azərbaycandan amnistiyaya nail olmaq istəyir. O, Xocalı soyqırımında əli olmaqda ittiham olunan Vitali Balasanyanı göstərir. Deyilənə görə, onun Ağdamda Azərbaycanla apardığı danışıqlar heç bir nəticə verməyib.
Osipyan yüklərin və sərnişinlərin daşınması üçün yolun açılması tələbilə Qarabağ ermənilərinin Laçın nəzarət-buraxılış məntəqəsinə kütləvi yürüşünü təşkil etməyə hazırdır.
-
- Maliyyə
- 3 Avqust 2023 13:42
Cəmiyyət
-
Mərkəzi Seçki Komissiyası (MSK) sentyabrın 1-də Milli Məclisə keçirilən növbədənkənar seçkilərlə əlaqədar ilkin nəticələrini açıqlayıb. Açıqlanan ilin nəticəyə görə, deputat mandatının yarıdan çoxunu (68) yenə hakim Yeni Azərbaycan Partiyası (YAP) qazanıb. 13 mandatın isə ümumilikdə 10 partiyaya düşəcəyi gözlənir. Vətəndaş Həmrəyliyi Partiyası üç, Ədalət, Hüquq və Demokratiya Partiyası iki yerlə təmsil ediləcək. Daha səkkiz partiya - Respublikaçı Alternativ Partiyası, Milli İstiqlal Partiyası, Demokratik İslahatlar Partiyası, Ana Vətən Partiyası, Böyük Quruluş Partiyası, Böyük Azərbaycan Partiyası, Milli Cəbhə Partiyası, Azərbaycan Demokratik Maarifçilik Partiyası hərəyə bir deputat mandatına malik olmağa yaxın sayılır.
-
Bakıda və Abşeron yarımadasında havadakı tozun miqdarında artım müşahidə olunur. Milli Hidrometeorologiya Xidmətinin məlumatına görə, tozun miqdarı normadan 2,5-3 dəfə çoxdur.
-
“Bağlantını asanlaşdırır, həyatı daha dolğun edirik” strateji məqsədinə sadiq qalan “Azercell Telekom” MMC bu istiqamətdə daha bir yeniliyə imza atır. 02.09.2024 tarixindən etibarən Azercell ofislərində rəqəmsal şəxsiyyət vəsiqəsini təqdim edən abunəçilər tam xidmət spektrindən yararlana biləcəklər. Layihə İnnovasiya və Rəqəmsal İnkişaf Agentliyi (İRİA) ilə əməkdaşlıq əsasında həyata keçirilir.
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
Rəy yaz